Vijay Deverakonda: “I don’t know where I belong, to tell you whom I betrayed – Anonymous Spy” అని అంటున్నారు హీరో విజయ్ దేవరకొండ. ఆయన హీరోగా నేషనల్ అవార్డ్ విన్నింగ్ మూవీ జెర్సీ దర్శకుడు గౌతమ్ తిన్ననూరి ఓ సినిమాను తెరకెక్కిస్తున్నారు. ఈ సినిమాకు సంబంధించిన అఫీషియల్ అనౌన్స్మెంట్ వచ్చేసింది. అభిమానులు రౌడీ స్టార్ అని అభిమానంతో పిలుచుకునే విజయ్ దేవరకొండ నటిస్తోన్న 12 చిత్రమిది. VD 12గా రానున్న ఈ సినిమాను సితార ఎంటర్టైన్మెంట్స్ ఫార్చూన్ ఫోర్ సినిమాస్తో కలిసి ఓ చిత్రాన్ని రూపొందించనుంది.శ్రీకర స్టూడియోస్ సమర్పణలో ఎస్. నాగ వంశీ, సాయి సౌజన్య సంయుక్తంగా నిర్మిస్తున్నారు.
మూవీ అనౌన్స్మెంట్ సందర్భంగా మేకర్స్ కాన్సెప్ట్ పోస్టర్ ను విడుదల చేశారు. అందులో ఓ వ్యక్తి పోలీసు దుస్తుల్లో ముఖానికి ముసుగు ధరించి గూఢచారి ని తలపిస్తున్నారు. ఇదొక స్పై ఫిల్మ్ అని పోస్టర్ ని బట్టి అర్థమవుతోంది. అలాగే సముద్రతీరంలో యుద్ధ సన్నివేశాన్ని తలపించేలా మంటల్లో దగ్ధమవుతున్న పడవలతో పోస్టర్ ను ఆసక్తి రేకెత్తించేలా రూపొందించారు. ఈ సినిమా చిత్రీకరణ త్వరలో ప్రారంభం కానుంది. ఇతర నటీనటులు, సాంకేతిక నిపుణుల వివరాలను త్వరలోనే వెల్లడించనున్నారు.