Prices of Petrol and Diesel:అంతర్జాతీయంగా ముడి చమురు ధర భారీగా తగ్గింది. అయినా… దేశంలో మాత్రం పెట్రోల్, డీజిల్ ధరలు తగ్గలేదు. గత 9 నెలలుగా దేశవ్యాప్తంగా పెట్రోల్, డీజిల్ ధరలు స్థిరంగా ఉన్నాయి. గత ఏప్రిల్ వరకూ రోజూ అంతర్జాతీయ ధరలకు అనుగుణంగా పెట్రోల్, డీజిల్ రేట్లను సవరించిన కంపెనీలు… ఆ తర్వాత ముడి చమురు ధర భారీగా పెరగడంతో… ఆ భారాన్ని వినియోగదారులపై వేయలేదు. ఆ నష్టాలను… చమురు ధరలు తగ్గినప్పుడల్లా పూడ్చుకుంటూ వస్తున్నాయి. అందుకే… గత 9 నెలలుగా దేశంలో పెట్రోల్, డీజిల్ ధరలు పెరగడం లేదు… తగ్గడం లేదు.

ప్రస్తుతం లీటర్‌ పెట్రోల్‌పై రూ.10 లాభం పొందుతున్న కంపెనీలు… డీజిల్‌పై మాత్రం రూ.6.5 నష్టపోతున్నాయి. 2022 జూన్‌లో లీటర్‌ పెట్రోల్‌ రూ. 17.4, లీటర్‌ డీజిల్‌పై రూ. 27.7 నష్టపోయిన కంపెనీలు… ఆ తర్వాత అంతర్జాతీయ మార్కెట్లో క్రూడ్ ధరలు క్రమంగా తగ్గడంతో… అక్టోబరు, డిసెంబరు మధ్య కాలంలో లీటర్‌ పెట్రోల్‌పై రూ. 10 లాభం పొందాయి. లీటర్‌ డీజిల్‌పై నష్టాన్ని రూ. 6.5కు తగ్గించుకోగలిగాయి.

గత ఏప్రిల్‌లో బ్యారెల్‌ ముడిచమురు ధర 102.97 డాలర్ల నుంచి 116.01 డాలర్లకు పెరిగింది. అయినా పెట్రోల్, డీజిల్ ధరల్ని పెంచకుండా… కంపెనీలే నష్టపోయాయి. ఏప్రిల్‌-సెప్టెంబరు మధ్య మూడు ప్రభుత్వరంగ చమురు సంస్థలు రూ. 21,201.18 కోట్లు నష్టపోయాయి. ప్రభుత్వం రూ.22,000 కోట్లు సాయం చేయడంతో… ఆ మాత్రం నష్టాలతో బయటపడ్డాయి. ఆ తర్వాత జూన్‌లో ముడిచమురు ధర 78 డాలర్లకు పడిపోయినా… పెట్రోల్, డీజిల్ ధరల్ని తగ్గించకుండా గతంలో వచ్చిన నష్టాల్ని పూడ్చుకున్నాయి. రష్యా, ఉక్రెయిన్‌ యుద్ధం కారణంగా 140 డాలర్లకు చేరిన బ్యారెల్ ముడిచమురు ధర… చైనాలో గిరాకీ మందగించి క్రమంగా తగ్గుతూరావడం… ప్రభుత్వరంగ చమురు సంస్థలకు కలిసొచ్చింది. నష్టాల నుంచి బయటపడేలా చేసింది.

Share

• 
• 
• 
• 
• 
•