Bitterness of The Mouth:టైఫాయిడ్‌, మ‌లేరియా, డెంగ్యూ లేదా సాధార‌ణ జ్వ‌రం.. ఇలా ఏది వచ్చినా ఆ వ్యాధి తీవ్రత తగ్గేందుకు కొన్ని రోజులు పడుతుంది. జ్వ‌రం త‌గ్గిన తర్వాత కూడా నోరంతా చేదుగా అనిపిస్తుంటుంది. అందుకు ప‌లురకాల కార‌ణాలు ఉంటాయి. జ్వ‌రం వ‌చ్చిన‌ప్పుడు తీసుకునే టాబ్లెట్స్‌ వల్ల నోరు అలా చేదుగా ఉంటుందంటున్నారు. ఈ చిట్కాల‌ను పాటించ‌డం వ‌ల్ల ఆ చేదును సుల‌భంగా త‌గ్గించుకోవ‌చ్చు. అందుకోసం ఏం చేయాలంటే.. జ్వ‌రం త‌గ్గాక నోటి చేదును పోగొట్టుకునేందుకు పుదీనా ఆకులు అద్భుతంగా ప‌నిచేస్తాయి. 3 నుంచి 4 పుదీనా ఆకులు తీసుకుని బాగా కడిగి నోట్లో వేసుకుని నమిలి మింగేయాలి. దీంతో నోటికి తిరిగి రుచి వస్తుంది. చేదు కూడా పూర్తిగా త‌గ్గుతుంది. అంతేకాకుండా కొత్తి మీర ఆకులను తిన్నా అదే ప్రయోజనం ఉంటుంది. వెల్లుల్లి, జీల‌క‌ర్ర‌, ఎండు మిరపకాయలు, పచ్చిమిరపాయలు, ఉల్లిపాయ ను పచ్చడి చేసుకుని తింటే నోట్లో చేదు తగ్గిపోతుంది. నోటి చేదును పోగొట్టడానికి మిరియాల రసం కూడా బాగా పనిచేస్తుంది. బాగా ఘాటుగాఉండేలా ఈ రసం తయారు చేసుకోవాలి. మిరియాల ర‌సంతో అన్నం తింటే రుచి తెలుస్తుంది. పండు మిర‌ప‌కాయ‌లు, గోంగూర ప‌చ్చ‌ళ్ల‌ను తిన్నా కూడా నోటికి రుచి తెలుస్తుంది. ఆల్‌బుక‌రా కాయ‌లు మనకు రెండు రకాలుగా మార్కెట్‌లో లభిస్తాయి. వీటిని తిన్నా చేదు తగ్గుతుంది. సూప‌ర్ మార్కెట్‌లో డ్రై ఫ్రూట్స్ రూపంలోనూ కూడా ఈ ఆల్‌బుకరా పండ్లు మనకు దొరుకుతాయి. వీటిని తిన్నా నోటిలోని చేదు వెంటనే తగ్గిపోతుంది. అంతేకాకుండా ఒక టీస్పూన్ అల్లం ర‌సంలో సమానంగా తేనె కలిపి ఉదయం పరగడుపునే తీసుకోవచ్చు. రెండు వెల్లుల్లి రెబ్బ‌ల‌ను కూడా తింటే నోటి చేదు పోతుందని నిపుణులు చెబుతున్నారు.

Share

• 
• 
• 
• 
• 
•