Pranitha Subhash.. ‘ఏం పిల్లో ఏం పిల్లడో’ సినిమాతో హీరోయిన్ గా ఇండస్ట్రీకి పరిచయమైంది ప్రణీత సుభాష్ (Pranitha subhash). ఆ తర్వాత పవన్ కళ్యాణ్ (Pawan Kalyan)హీరోగా నటించిన ‘అత్తారింటికి దారేది’ సినిమాతో భారీ పాపులారిటీ అందుకుంది. అడపా దడపా సినిమాలు చేస్తూ ప్రేక్షకులను అలరించిన ఈమె ఇప్పుడు ఇద్దరు పిల్లలకు జన్మనిచ్చి ఇంటికే పరిమితమైంది. ఇలాంటి సమయంలో తాజాగా డిజైనర్ స్టూడియో ప్రారంభానికి ముఖ్యఅతిథిగా విచ్చేసింది..

డిజైనర్ స్టూడియో ఆవిష్కరించిన ప్రణీత..

స్వయం డిజైనర్ స్టూడియో పేరుతో హైదరాబాద్ లో సరికొత్త డిజైనర్ స్టూడియో అందుబాటులోకి రాగా.. యమునా బధిత ఏర్పాటుచేసిన ఈ ఫ్లాగ్ షిప్ స్టోర్ ని ప్రముఖ సినీనటి ప్రణీత సుభాష్ ఆవిష్కరించారు. ఈ సందర్భంగా ఆమె మాట్లాడుతూ.. “ఒకప్పుడు హైదరాబాదులో డిజైనర్లు, డిజైనర్ దుస్తులు అందుబాటులో ఉండేవి కాదు. అయితే ఇప్పుడు ప్రపంచ వేదికపై హైదరాబాద్ డిజైనర్ లో తమ ఖ్యాతిని చాటుతున్నారు. సాంప్రదాయ దుస్తులకు ఆధునికతను మేళవిస్తూ.. అద్భుతంగా సృష్టిస్తున్నారు. శుభకార్యాలు, ఇతర వేడుకలు ఏవైనా సరే ఇప్పుడు డిజైనర్ దుస్తులు చాలా ప్రత్యేకంగా నిలుస్తున్నాయి. నేను కూడా డిజైనర్ దుస్తులను అవసరానికి అనుగుణంగా ధరిస్తున్నాను” అంటూ తెలిపారు ప్రణీత సుభాష్.

నిర్వాహకురాలు యమునా బధిత..

నిర్వాహకురాలు యమునా బధిత మాట్లాడుతూ.. “నేను లండన్ లో మాస్టర్స్ పూర్తి చేశాను. డిజైనర్ రంగంపై నాకున్న అభిలాషతో ఈ స్టోర్ ని ఏర్పాటు చేయడం జరిగింది. మేము అందించే డిజైన్లు సౌకర్యవంతంగా, అందాన్ని ఇనుమడింప చేసేలా ఉంటాయి. స్వయం అంటే సంస్కృతంలో స్వంతం అని అర్థం. మనం ధరించిన వాటిని ఇష్టపడడమే కాదు ప్రేమించడం కోసమే ఈ పేరును ఎంపిక చేసుకున్నాము. గతంలో ఆన్లైన్లో మా సేవలు చాలామంది ఉపయోగించుకున్నారు. ఇప్పుడు నగరవాసులకు కూడా ఈ స్టోర్ ద్వారా అందుబాటులోకి తీసుకు వచ్చాము. ఖాజాగూడా లో ఏర్పాటు చేసిన ఈ స్టోర్ అందరికీ ప్రత్యేకంగా నిలుస్తుందని భావిస్తున్నాము” అంటూ ఆమె తెలిపారు.

స్వయం డిజైనర్ స్టూడియో..

ఇకపోతే స్వయం డిజైనర్ స్టూడియో.. చక్కదనం, సౌకర్యాలపై దృష్టి సారించి హైదరాబాదులో తమ మొదటి స్టోర్ తో ఫ్యాషన్ పరిశ్రమలో గణనీయమైన ప్రభావాన్ని చూపడానికి సిద్ధంగా ఉన్నామని నిర్వాహకురాలు తెలిపింది.

Share

• 
• 
• 
• 
• 
•