Siva Rama Krishna: టాలీవుడ్ నిర్మాత బూరుగుపల్లి శివరామకృష్ణ వివాదాలతోనే బాగా గుర్తింపు తెచ్చుకున్నాడు. ముఖ్యంగా ప్రభుత్వ స్థలాన్ని కబ్జా చేయడానికి ఆయన చేసిన ప్రయత్నాలు వేరే లెవెల్ అని చెప్పాలి. రాయదుర్గంలో 84 ఎకరాల ప్రభుత్వ భూమిలో పాగా వేయడానికి స్టేట్ ఆర్కియాలజీ విభాగం నుంచి ప్రభుత్వ పత్రాలు కొట్టేసి ఫేక్ డాక్యుమెంట్లను తయారుచేయించి.. ఆ భూమిని కొట్టేయాలని ప్రయత్నాలు చేశాడు. ఇక పత్రాలు నకిలీవి అని అప్పటి ప్రభుత్వం కోర్టులో కేసు వేయడంతో.. గత కొన్నేళ్లుగా ఈ కేసు కోర్టులో నలుగుతుంది.
ఇక రెండు రోజుల క్రితమే శివరామకృష్ణ ఇచ్చినవి నకిలీ పత్రాలు అని సుప్రీం కోర్టు తేల్చి చెప్పడంతో పోలీసులు శివరామకృష్ణను.. ఆయనకు సహాయం చేసిన ఆర్కియాలజీ డిపార్ట్మెంట్ సీనియర్ అసిస్టెంట్ కొత్తిని చంద్రశేఖర్, బిల్డర్ మారగొని లింగం గౌడ్ లను పోలీసులు అరెస్ట్ చేసిన విషయం తెల్సిందే. ఇక వెంటనే ఆయన అనారోగ్య సమస్యల కారణంతో బెయిల్ మీద బయటకు వచ్చాడు.
Samantha: సామ్ చాలా కష్టాలు పడింది.. రూమర్డ్ బాయ్ ఫ్రెండ్ రాజ్ సంచలన వ్యాఖ్యలు
అయితే శివరామకృష్ణను మాత్రం పోలీసులు వదిలేలా కనిపించడం లేదు. ఆయన బెయిల్ ను రద్దు చేయాలనీ పోలీసులు.. కోర్టులో పిటిషన్ దాఖలు చేశారు. దీంతో కోర్టు వెంటనే బెయిల్ ను రద్దు చేసింది. ఇక బెయిల్ రద్దు అవ్వడంతో పోలీసులు .. శివరామకృష్ణను మరోసారి అరెస్ట్ చేశారు. ఇక నిర్మాత శివరామకృష్ణ గురించి తెలుగువారికి ప్రత్యేకంగా చెప్పాల్సిన అవసరం లేదు.
వెంకటేష్, శిల్పాశెట్టి నటించిన సాహస వీరుడు సాగరకన్య సినిమాతో కెరీర్ ను మొదలుపెట్టాడు. ఈ సినిమా ఆశించిన ఫలితాన్ని అందించలేకపోయింది. ఆ తరువాత మహేష్ బాబు తో యువరాజు, వెంకటేష్ తో ప్రేమంటే ఇదేరా లాంటి సినిమాలు నిర్మించాడు. ఇవి మాత్రమే కాకుండా.. సర్దుకుపోదాం రండి, సీతారత్నంగారి అబ్బాయి లాంటి సినిమాలు నిర్మించాడు. ఇక చివరగా ఆయన రవితేజ నటించిన దరువు సినిమాను తెరకెక్కించాడు. మరి ఈ వివాదం ఎక్కడివరకు వెళ్లి ఆగుతుందో చూడాలి.