Skin Care Tips: దీపావళి నాడు అందంగా కనిపించేందుకు మహిళలు అనేక పద్ధతులను ప్రయత్నిస్తుంటారు.ఇంట్లోనే కొన్ని చర్మ సంరక్షణ చిట్కాలు అందాన్ని పెంచడంలో సహాయపడతాయి. పిల్లలు, పెద్దలు అనే తేడా లేకుండా అందరూ ఈ పండుగ గురించి చాలా ఉత్సాహంగా ఉంటారు. అంతే కాకుండా ఈ రోజు ప్రత్యేకంగా దుస్తులు ధరిస్తారు.
ముఖ సౌందర్యాన్ని పెంచుకోవడానికి మహిళలు ఎన్నో ప్రయత్నాలు చేస్తుంటారు. ఇలాంటి వారు నేచురల్గా ఫేషియల్ గ్లో పెరగడానికి కొన్ని చిట్కాలు పాటించాల్సి ఉంటుంది.
మీరు సహజమైన ఫేస్ ప్యాక్లు, క్లెన్సింగ్ , మాయిశ్చరైజింగ్తో పాటు ఇతర హోం రెమెడీస్తో మీ ముఖ సౌందర్యాన్ని మరింత మెరుగుపరచుకోవచ్చు. ముఖ సౌందర్యాన్ని పెంచుకోవడానికి కొన్ని సులభమైన చిట్కాలను ఇప్పుడు తెలుసుకుందాం.
ముఖ సౌందర్యాన్ని పెంచుకోవడానికి చిట్కాలు
ఫేస్ ప్యాక్స్:
పెరుగు, తేనె: పెరుగు , తేనె మిక్స్ చేసి ముఖానికి అప్లై చేయండి. ఇది ముఖాన్ని మృదువుగా , కాంతివంతంగా మార్చుతుంది.
ముల్తానీ మిట్టి: ముల్తానీ మిట్టిని నీటిలో లేదా రోజ్ వాటర్లో కలిపి ముఖానికి పట్టించాలి. ఇది ముఖంలోని అదనపు నూనెను గ్రహించి మచ్చలను తగ్గిస్తుంది.
ఓట్స్ : ఓట్స్ ను గ్రైండ్ చేసి పెరుగు లేదా పాలతో కలిపి ముఖానికి అప్లై చేయాలి. అంతే కాకుండా ఇది ముఖాన్ని ఎక్స్ఫోలియేట్ చేస్తుంది. మృత కణాలను కూడా తొలగిస్తుంది.
అరటిపండు: పండిన అరటిపండును మెత్తగా చేసి ముఖానికి పట్టించాలి. ఇది ముఖానికి తేమను అందించి మృదువుగా చేస్తుంది.
క్లెన్సింగ్:
తేలికపాటి క్లెన్సర్తో ప్రతిరోజు ముఖాన్ని కడగాలి.
మేకప్ తొలగించడానికి మేకప్ రిమూవర్ ఉపయోగించండి. రాత్రి పడుకునే ముందు మీ ముఖాన్ని బాగా శుభ్రం చేసుకోండి.
మాయిశ్చరైజింగ్:
రోజు మాయిశ్చరైజర్ ఉపయోగించండి. రాత్రి పడుకునే ముందు నైట్ క్రీమ్ తప్పకుండా రాసుకోవాలి.
కంటి సంరక్షణ:
కళ్ల కింద నల్లటి వలయాలను తగ్గించేందుకు దోసకాయ లేదా బంగాళదుంప ముక్కలను కళ్లపై ఉంచండి.
కళ్ల చుట్టూ మాయిశ్చరైజర్ కూడా రాసుకోవాలి. వీటి వల్ల కళ్లు ఆకర్షణీయంగా కనిపిస్తాయి.
Also Read: బొప్పాయితో ముఖంపై మచ్చలు మాయం, అద్భుతమైన మెరుపు
హోం రెమెడీస్:
పసుపు: మొటిమలను తగ్గించడంలో సహాయపడే క్రిమినాశక గుణాలు పసుపులో ఉన్నాయి. ఇవి చర్మానికి కొంత మెరుపును అందిస్తాయి. తరుచుగా ముఖానికి పసుపును ఉపయోగించడం వల్ల చర్మం యొక్క రంగు మెరుగుపడుతుంది.
నిమ్మకాయ: నిమ్మకాయలో విటమిన్ సి ఉంటుంది. ఇది ముఖాన్ని మెరిసేలా చేస్తుంది. తక్షణ మెరుపు కోసం నిమ్మరసంలో కాస్త చెక్కరను వేసి ముఖానికి పట్టించాలి.
టమాటో: టమాటోలో యాంటీఆక్సిడెంట్లు ఉంటాయి. ఇవి చర్మాన్ని బిగుతుగా చేస్తాయి.
ఆరోగ్యకరమైన ఆహారం:
పోషకాహారం తినడంతో పాటు, పుష్కలంగా నీరు త్రాగాలి.
పండ్లు, కూరగాయలు తినండి.
వేయించిన, జంక్ ఫుడ్ మానుకోండి.
తగినంత నిద్ర:
రోజు 7-8 గంటలు నిద్రపోవాలి.
గమనిక: వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘బిగ్ టీవీ’ బాధ్యత వహించదని గమనించగలరు.