Jagga Reddy sensational comments ktr: కేటీఆర్కు ప్రాక్టికల్ నాలెడ్జి లేదని.. అంతా బుక్ నాలెడ్జ్ ఉందని కాంగ్రెస్ మాజీ ఎమ్మెల్యే జగ్గారెడ్డి సంచలన వ్యాఖ్యలు చేశారు. మంగళవారం ఆయన మీడియాతో మాట్లాడారు. బీఆర్ఎస్ వర్కింగ్ ప్రెసిడెంట్ కేటీఆర్.. సోషల్ మీడియా బ్యాచ్ దండుపాళ్యం బ్యాచ్గా మారిందన్నారు. దీనికి బీఆర్ఎస్ వర్కింగ్ ప్రెసిడెంట్ గ్యాండ్ లీడర్ అని ఆరోపించారు. కేటీఆర్ చిన్నప్పటి నుంచి రాజభోగాలు అనుభవించారన్నారు. ఇప్పుడు అధికారం లేకపోయే సరికి పిచ్చిక్కితున్నట్లు ఉందన్నారు.
బాయిలర్ కోడిలా పెరిగారని, మేము నాటుకోడిలా పెరిగామని జగ్గారెడ్డి ఎద్దేవా చేశారు. కేటీఆర్.. నీ అయ్య పేరు చెప్పుకొని రాజకీయాలకు వచ్చావని, తాము అలా కాదని వ్యాఖ్యానించారు. దామగుండంలో భూమి కేటాయించిన సమయంలో 9 లక్షల చెట్లు ఉన్నాయని ఎందుకు గుర్తు లేదని ప్రశ్నించారు. 9 లక్షల చెట్లు పోతాయని తెలిసి ఎందుకు జీఓ ఇచ్చారని, ఆ జీఓలో ఏముందో నీకు తెలుసా? అని కేటీఆర్ను ప్రశ్నించారు. కాంగ్రెస్ మీద బురద జల్లడమే పనిగా పెట్టుకున్నాడని విమర్శించారు.