Google : అత్యుత్తమ ఉత్పత్తులను అభివృద్ధి చేయడంలో ప్రముఖ టెక్ సంస్థ గూగుల్ ఎప్పుడూ ముందుంటుంది. ఎన్నో కొత్త ఉత్పత్తులను వినియోగదారులకు మనకు పరిచయం చేసింది. అలాగే ఆన్లైన్ సెర్చ్ విషయంలో గుత్తాధిపత్యాన్ని కొనసాగించేందుకు ఏదో ఒక కొత్త ఫీచర్ను మనకు పరిచయం చేస్తూనే ఉంటుంది. అందుకే Google Services పాపులర్ సెర్చ్ ఇంజిన్ Google మన నిత్య జీవితంలో భాగమైపోయిందనడంలో ఎలాంటి సందేహం అక్కర్లేదనే చెప్పాలి.
ఉదయం నిద్ర లేచిన దగ్గర నుంచి రాత్రి పడుకునే వరకు గూగుల్కు సంబంధించిన ఏదో ఒక సేవను మనం ఉపయోగిస్తూనే ఉంటాం. ముఖ్యంగా మ్యాప్స్, జీమెయిల్, జీపే, మీట్తో సహా ఇంకా ఎన్నో రకాల సేవలను మనకు వాడేస్తూ ఉంటాం. ఇలా అనేక రకాల సేవలను గూగుల్ ఎప్పటినుంచో మనకు అందిస్తూనే వస్తోంది. టెక్నాలజీ సాయంతో యూజర్లకు సులభమైన, మెరుగైన సేవలను అందిస్తూ యూజర్ల మన్ననలు పొందుతోంది.
READ ALSO : అమేజింగ్ ఆఫర్.. రూ. 10,999కే 50MP కెమెరా, 128GB స్టోరేజ్ తో సూపర్ స్మార్ట్ ఫోన్
అయితే ఇప్పటి వరకు గూగుల్ అందించిన వాటిలో కొన్ని ఆశించిన స్థాయిలో విజయం సాధించకపోవడం వల్ల కొన్నింటిని గూగుల్ మూసి వేసింది. సేవలందిస్తున్న మరి కొన్నింటినీ (యాప్స్ కూడా) విలీనం చేసింది. అలా గూగుల్ గుడ్ బై చెప్పేసిన, అంటే ప్రస్తుతం అందుబాటులో లేని ఆ ప్రొడక్ట్స్ ఏంటో తెలుసా?
orkut – దీనిని స్నేహితులు సంభాషించుకొనేందుకు గూగుల్ తీసుకొచ్చింది. ఫేస్ బుక్ ఎంట్రీ వల్ల ఈ ఆర్కట్కు ఆదరణ తగ్గింది. దీంతో 2004లో గూగుల్ ఈ ఆర్కట్కు స్వస్తి పలికింది.
Google + – సెర్చ్ ఇంజిన్ క్వాలిటీని పెంచేందుకు దీనిని యూజర్స్కు అందుబాటులోకి తీసుకొచ్చింది గూగుల్. అయితే 2019 నుంచే ఈ గూగుల్ ప్లస్ సేవల్ని నిలిపివేసింది గూగుల్ సంస్థ.
Google Duo – ఇది వీడియో కాలింగ్ కోసం యూజర్స్కు ఉపయోగపడేది. దీనిని అందుబాటులోకి తెచ్చిన గూగుల్ – ఈ డ్యుయో సేవల్ని 2022లోనే నిలిపివేసింది. గూగుల్ మీట్లోకి దీనిని విలీనం చేసింది.
Google Allo – ఇది ఇన్స్టంట్ మెసేజింగ్ సర్వీస్ సేవలను అందిస్తుంది. గూగుల్ అల్లో పేరిట అప్పుట్లో గూగుల్ దీనిని తీసుకొచ్చింది. ఈ సర్వీస్ను ఐదేళ్ల కింద గూగుల్ నిలిపివేసింది.
STADIA – గూగుల్ తీసుకొచ్చిన క్లౌడ్ గేమింగ్ సర్వీస్ ఇది. యూజర్ల నుంచి ఆశించిన మేర స్పందన రాకపోవడం వల్ల కొద్ది కాలం క్రితమే ఈ సేవలను నిలిపివేసింది గూగుల్.
Google Podcasts – దాదాపు ఆరేళ్ల పాటు ఈ పాడ్కాస్ట్ సేవలు అందించింది. ఈ మధ్యే గూగుల్ ఈ పాడ్కాస్ట్ సర్వీసును నిలిపివేసింది. అనంతరం యూజర్లను యూట్యూబ్ మ్యూజిక్కు మళ్లించింది గూగుల్.
ఇక వీటన్నిటిని గూగుల్ ఆపేసిందనే విషయం చాలామందికి తెలియదు. గూగుల్ పాడ్ కాస్ట్ ఇప్పటికి పనిచేస్తుందని చాలా మంది యూజర్స్ అనుకుంటూ ఉంటారు. పలు కారణాలతో గూగుల్ డియో, గూగుల్ పాడ్ కాస్ట్ వంటివి ఎంత ఫేమస్ అయినప్పటికీ ఆపేయాల్సిన పరిస్థితి ఏర్పడింది.