iQ00 13 : iQ00 13 స్మార్ట్ ఫోన్ త్వరలోనే మార్కెట్లోకి లాంఛ్ కాబోతుంది. తాజాగా ఈ ఫోన్ కు సంబంధించిన స్పెసిఫికేషన్స్ ను ఆన్లైన్లో రిలీజ్ చేసింది ఈ సంస్థ. ఇక ఈ టీజర్ లో ఈ ఫోన్ స్పెసిఫికేషన్స్ తో పాటు డిజైన్, లాంఛ్ డేట్ వంటి ఇంట్రెస్టింగ్ అప్డేట్స్ ను తెలిపింది.

కాల్కమ్ నెక్స్ట్ జనరేషన్ నుంచి వచ్చిన స్నాప్ డ్రాగన్ 8 జెన్ 4 చిప్ సెట్ తో రాబోతున్న మొట్ట మొదటి స్మార్ట్ ఫోన్ iQ00 13. ఈ స్మార్ట్ ఫోన్లో అధునాతన ఫీచర్స్ తో పాటు అద్భుతమైన డిజైన్ ను సైతం ఈ సంస్థ జోడించింది. ఈ ఫోన్ అక్టోబర్ చివరి వారంలో చైనాలో ప్రారంభం కానుందని తెలిపింది.

iQ00 13 డిజైన్ – ఐక్యూర్ 13 స్మార్ట్ ఫోన్ డిజైన్ అత్యద్భుతంగా ఉంది. ప్రముఖ చైనీస్ మైక్రో బ్లాగింగ్ ప్లాట్ఫారం విబోలో వినియోగదారుడు ఈ స్మార్ట్ ఫోన్ ఫొటోస్ ను ఉంచాడు. ఇందులో ఈ హ్యాండ్ సెట్ లైవ్ ఇమేజెస్ తో పాటు క్లోజప్ ఇమేజెస్ సైతం కనిపిస్తున్నాయి. ఇక ఫ్లాట్ డిజైన్ తో నాలుగు వైపులా బెజెల్స్ తో ఈ ఫోన్ రాబోతున్నట్టు తెలుస్తోంది.

ఈ స్మార్ట్ ఫోన్ లో వాల్యూమ్ రాకర్ తో పాటు స్క్రీన్ కుడి వైపున పవర్ బటన్, మెటల్ ఫ్రేమ్ ఫ్లాట్ ఉన్నట్టు తెలుస్తోంది. ఇక 2K రిజల్యూషన్ డిస్ప్లేతో రాబోతున్న ఈ ఫోన్ లో డిస్ ప్లే తో అధునాతనంగా తీర్చిదిద్దినట్లు తెలుస్తోంది. iQ00 నుంచి వచ్చే తదుపరి ఫ్లాగ్ షిప్ ఫోన్ 144hz రిఫ్రెష్ రేట్ తో రాబోతుంది. 6.7 అంగుళాలు స్క్రీన్ తో రానున్నట్టు తెలుస్తోంది.

ALSO READ : అమేజింగ్ ఆఫర్.. రూ. 10,999కే 50MP కెమెరా, 128GB స్టోరేజ్ తో సూపర్ స్మార్ట్ ఫోన్

కాల్కమ్ నెక్స్ట్ జనరేషన్ స్మార్ట్ ఫోన్ చిప్ సెట్ తో ఈ ఫోన్ రాబోతుంది. స్నాప్ డ్రాగన్ 4 లేదా స్నాప్ డ్రాగన్ 8 ఎలైట్ గా పిలిచే సరికొత్త చిప్స్ సెట్ తో ఈ ఫోన్ మార్కెట్లోకి లాంచ్ కాబోతుంది. ఇక 16 GB వరకు RAM ఎక్స్టెండ్ చేసుకునే సదుపాయం ఉందని… 512gb ఇంటర్నల్ స్టోరేజ్ ఉంటుందని తెలుస్తోంది.

కెమెరా – ఈ స్మార్ట్ ఫోన్ లో కెమెరా క్వాలిటీస్ అయితే అత్యద్భుతంగా ఉన్నాయి. ట్రిపుల్ కెమెరా సెట్ అప్ తో రాబోతున్న ఈ ఫోన్.. 50 మెగా పిక్సెల్ ప్రైమరీ అల్ట్రా వైడ్ 2ఎక్స్ కెమెరాలతో రాబోతుంది. ఇక 32 మెగాపిక్సల్ సెల్ఫీ కెమెరా సైతం ఇందులో అందుబాటులో ఉంది.

ఫాస్ట్ ఛార్జింగ్ – ఈ స్మార్ట్ ఫోన్ లో ఫాస్ట్ ఛార్జింగ్ సపోర్ట్ ఉంది.  100w ఫాస్ట్ ఛార్జింగ్ మద్దతుతో 6150 బ్యాటరీ కలిగి ఉంది. ఇక అక్టోబర్ చివరలో చైనాలో లాంఛ్ కాబోతున్న ఈ ఫోన్ త్వరలోనే భారతీయ మార్కెట్లోకి అందుబాటులోకి వచ్చే అవకాశం ఉంది. అయితే ఇప్పటికీ ఈ స్మార్ట్ ఫోన్ ధరను వెల్లడించనప్పటికీ… త్వరలోనే ఈ స్మార్ట్ ఫోన్ పై మరిన్ని లేటెస్ట్ అప్డేట్స్ బయటకు వచ్చే అవకాశం కనిపిస్తుంది.

Share

• 
• 
• 
• 
• 
•