Kiwi Fruit: కివి ఒక విదేశీ పండు.. కానీ వీటిలోని పోషకాల కారణంగా మన దేశంలో కూడా దీనిని విరివిగా తింటున్నారు. విటమిన్ సి పుష్కలంగా ఉండటం వల్ల కివి పుల్లని స్వభావం కలిగి ఉంటుంది. కివి ఫ్రూట్ రోగనిరోధక శక్తి బలోపేతం చేయడంలో సహాయపడుతుంది. దీంతో పాటు, కివీ వినియోగం జీర్ణక్రియను మెరుగుపరుస్తుంది. అంతే కాకుండా గుండెను ఆరోగ్యంగా ఉంచుతుంది.

విటమిన్ సి కాకుండా విటమిన్ ఇ,ఫైబర్, పొటాషియంతో పాటు యాంటీఆక్సిడెంట్లు కివిలో పుష్కలంగా లభిస్తాయి. కివి తినడం వల్ల కలిగే మరిన్ని ప్రయోజనాలను గురించి ఇప్పుడు తెలుసుకుందాం.

కివి యొక్క 5 ప్రయోజనాలు:

రోగనిరోధక శక్తి బూస్టర్:
కివిలో విటమిన్ సి పుష్కలంగా ఉంటుంది. ఇది రోగనిరోధక శక్తిని బలోపేతం చేయడంలో సహాయపడుతుంది. అంతే కాకుండా జలుబు, దగ్గు వంటి వ్యాధుల నుంచి కూడా కాపాడుతుంది. అందుకే తరుచుగా కివి ఫ్రూట్ తినడం వల్ల అనేక లాభాలు ఉంటాయి.

జీర్ణవ్యవస్థకు మేలు చేస్తుంది:
కివిలో ఫైబర్ పుష్కలంగా ఉంటుంది. ఇది జీర్ణక్రియను ఆరోగ్యంగా ఉంచుతుంది. అంతే కాకుండా మలబద్ధకం నుండి ఉపశమనాన్ని అందిస్తుంది. తరుచుగా కివి తినడం వల్ల జీర్ణ సంబంధిత సమస్యలతో బాధ పడే వారికి ప్రయోజనాలు ఉంటాయి. మలబద్దకం సమస్య ఉన్న వారు కివిని తరుచుగా తినడం వల్ల మంచి ఫలితం ఉంటుంది.

గుండె ఆరోగ్యానికి మంచిది:
కివిలో పొటాషియంతో పాటు యాంటీఆక్సిడెంట్లు ఉన్నాయి. ఇవి రక్తపోటును నియంత్రించడంలో ఉపయోగపడతాయి. అంతే కాకుండా గుండె జబ్బుల ప్రమాదాన్ని తగ్గించడంలో సహాయపడతాయి.

చర్మానికి మేలు చేస్తుంది:
కివిలో యాంటీఆక్సిడెంట్లు ఉంటాయి. ఇవి చర్మాన్ని ఆరోగ్యంగా, మెరుస్తూ ఉండేలా ఉంటాయి. ఇది మొటిమలు, ముడతలను తగ్గించడంలో కూడా సహాయపడుతుంది. చర్మ సంరక్షణ కోసం కివి ఎంతగానో ఉపయోగపడుతుంది. తరుచుగా కివి తినడం వల్ల స్కిన్ మెరుస్తూ ఉంటుంది.

మంచి నిద్ర కోసం:
కివిలో సెరోటోనిన్ అనే న్యూరోట్రాన్స్‌మిటర్ ఉంటుంది. ఇది నిద్రను మెరుగుపరచడంలో సహాయపడుతుంది. నిద్ర లేమి సమస్యతో ఇబ్బంది పడే వారు కివి తినడం వల్ల సమస్య నుంచి ఉపశమనం కలుగుతుంది.

Also Read: మతిమరుపు ఎలా మొదలవుతుంది ? ఎప్పుడు జాగ్రత్త పడాలి

కివి తినడానికి ఏ సమయం మంచిది ?

కివిని రోజులో ఎప్పుడైనా తినవచ్చు. కానీ ఉదయం ఖాళీ కడుపుతో తినడం వల్ల ఎక్కువ ప్రయోజనాలు లభిస్తాయి. అంతే కాకుండా శరీరానికి తగిన పోషకాలు కూడా అందుతాయి.

కివి ఎవరు తినకూడదు ?
కివీని అలెర్జీ ఉన్నవారు అస్సలు దీనిని తినకూడదు. అదనంగా, వార్ఫరిన్ వంటి రక్తాన్ని పలచబరిచే మందులను తీసుకునే వ్యక్తులు కివిని తినడానికి ముందు వారి వైద్యుడిని సంప్రదించాలి ఎందుకంటే అందులో విటమిన్ కె ఉంటుంది.

గమనిక: ఈ వివరాలు కేవలం మీ అవగాహన కోసమే. పలు పరిశోధనలు.. అధ్యయనాల్లో పేర్కొన్న అంశాలను ఇక్కడ యథావిధిగా అందించాం. డాక్టర్‌ను సంప్రదించిన తర్వాతే వీటిని పాటించాలి. ఇందులో పేర్కొన్న అంశాలకు ‘బిగ్ టీవీ’ ఎటువంటి బాధ్యత వహించదని గమనించగలరు.

Share

• 
• 
• 
• 
• 
•