Messi Jersey: ఎక్కడో అర్జెంటీనా. ఇక్కడి జార్ఖండ్. అర్జెంటీనా ఫుట్ బాల్ కెప్టెన్ లియొనెల్ మెస్సి. ఇండియన్ క్రికెట్ టీమ్ మాజీ కెప్టెన్ ధోనీ. వారిద్దరినీ కలిపింది ఆట. మెస్సికి ధోనీ బిగ్ ఫ్యాన్. ధోనీ అనే కాదు కోహ్లీ కూడా వీరాభిమానే. మనమంతా క్రికెట్ ప్లేయర్స్ ను ఆరాధిస్తుంటే.. వాళ్లేమో ఫుట్ బాల్ ఆటగాళ్లను ఫాలో అవుతున్నారు. ప్రపంచ కప్ గెలుపుతో మెస్సి.. ఫుట్ బాల్ రారాజుగా మారారు.

కట్ చేస్తే.. ధోనీ ఇంటి కాలింగ్ బెల్ మోగింది. ధోనీ కూతురు జీవా పేరున ఓ పార్సిల్ వచ్చింది. ఓపెన్ చేస్తే.. అది మెస్సి ధరించే నెంబర్ 10 జెర్సీ. దానిపై..‘జీవా కోసం’ అని రాసుంది. కింద మెస్సి సంతకం కూడా ఉండటంతో ధోనీ ఫ్యామిలీ షాక్. ఆ జెర్సీని ఇన్‌స్టాలో పోస్టు చేసింది ధోనీ కూతురు జీవా.

వాల్డ్ కప్ టైటిల్‌ నెగ్గిన ఆనందంలో మునిగి తేలుతున్న మెస్సి తన అభిమానులు, ఫాలోవర్లను మాత్రం మరిచిపోలేదు. భారత్‌లోనూ అతనికి పెద్ద సంఖ్యలో ఫ్యాన్స్‌ ఉండటంతో.. ధోనీ కూతురు జీవాకు.. మెస్సి తాను సంతకం చేసిన అర్జెంటీనా జెర్సీని పంపి తన ప్రేమను చాటాడు. గతంలో కూడా మెస్సి.. బీసీసీఐ కార్యదర్శి జై షాకు ఇలాంటి జెర్సీనే పంపిచాడు. ధోనీ కూతురికే జెర్సీని పంపించడం.. పబ్లిసిటీ కోసమే అనే వారు కూడా ఉన్నారు.

Share

• 
• 
• 
• 
• 
•