Internet : ప్రస్తుత పరిస్థితుల్లో ఏ చిన్న సమస్య లేదా సందేహం వచ్చినా దాని గురించి ఆరా తీసేందుకు, తెలుకునేందుకు ఇంటర్నెట్లో తెగ వెతికేస్తుంటాం. మన వ్యక్తిగత అవసరాలు, కమ్యూనికేషన్, సమాచారం పంచుకోవడం, సమాధానాలు పొందడం లేదా ఇతర విషయాలకు ఈ అంతర్జాలాన్ని ఉపయోగిస్తున్నారు. పైగా సాంకేతికత అందుబాటులోకి వచ్చాక ఈ ఇంటర్నెట్ వినియోగం మరింత బాగా పెరిగిపోయింది.
అందుకే వినియోగదారులకు వేగవంతమైన ఇంటర్నెట్ సేవలను అందించేందుకు కంపెనీలు తెగ పోటీ పడుతున్నాయి. దీంతో డిజిటల్ దిశగా దేశం దూసుకెళ్తోంది. పైగా ఆ మధ్యలో కొవిడ్ కారణంగా కూడా వర్క్ ఫ్రం హోం, ఆన్లైన్ విద్యకు కూడా ప్రాధాన్యం ఏర్పడింది. అలా ప్రపంచ వ్యాప్తంగా గత కొన్నేళ్లుగా దేశవ్యాప్తంగా ఇంటర్నెట్ వాడకం గణనీయంగా పెరిగిపోయింది. ఇంకా చెప్పాలంటే రోజు రోజుకు పెరుగుతూ పోతోంది.
ముఖ్యంగా ఈ ఇంటర్నెట్ వినియోగం విషయంలో భారత్ కూడా దూసుకెళ్తోంది. మరి ప్రపంచ వ్యాప్తంగా ఏ దేశంలో ఎంత మంది ఇంటర్నెట్ యూజర్లు ఉన్నారో ప్రస్తుత కథనంలో తెలుసుకుందాం.
ALSO READ : తగ్గేదేలేదంటున్న టెస్లా.. ఎలక్ట్రానిక్ రంగంలో మరో ముందడుగు.. రోబో వ్యాన్, రోబో టాక్సీ లాంఛ్
ఏ దేశంలో ఎంత మంది యూజర్లంటే..
టాప్లో చైనా – భారత్ : జనాభా విషయంలో చెనా – భారత్ ఎప్పుడు ముందు వరుసలో ఉంటాయి. ఇంటర్నెట్ విషయంలోనూ అవి ముందు వరుసలో ఉన్నాయి. నివేదికల ప్రకారం చైనా జనాభా 141.22 కోట్లు కాగా, అక్కడ ఇంటర్నెట్ వినియోగించేవారు 105 కోట్ల వరకు యూజర్లు ఉన్నారు. ప్రపంచవ్యాప్తంగా అత్యధికంగా ఈ దేశంలోనే ఇంటర్నెట్ ను ఎక్కువగా ఉపయోగిస్తున్నారు.
భారత్ జనాభా విషయానికొస్తే 141.72 కోట్లు ఉండగా, ఇంటర్నెట్ ఉపయోగించే యూజర్లు 69.2 కోట్ల మంది ఉన్నారట.
అమెరికా : డెవలప్మెంట్లో ప్రపంచంలోనే టాప్ ప్లేస్ లో ఉన్న అమెరికాలో ఇంటర్నెట్ వాడే యూజర్స్ అయితే ఎక్కువగానే ఉన్నారు. యూఎస్ఏ దేశంలో జనాభా 34.18 కోట్ల మంది ఉన్నారు. అక్కడ ఇంటర్నెట్ యూజర్లు 31.1 కోట్లు మంది ఉన్నారట.
ఇండోనేషియా : ఇక ఇండోనేషియా దేశంలో జనాభా వచ్చే సరికి 28.37 కోట్ల మంది ఉన్నట్లు తెలిసింది. అలానే అక్కడ ఇంటర్నెట్ వినియోగించే వారి సంఖ్య 21.3 కోట్లు.
బ్రెజిల్ : బ్రెజిల్ దేశంలో విషయానికొస్తే 21.76 కోట్ల మంది జనాభా ఉన్నారు. అలానే అక్కడ ఇంటర్నెట్ యూజర్లు 18.8 కోట్ల మంది ఉన్నారు.
రష్యా : రష్యా దేశంలో 14.47 కోట్ల మంది జనాభా ఉండగా, ఇంటర్నెట్ యూజర్లు 12.8 కోట్లు ఉన్నారట.
నెజీరియా : దేశంలో 23.32 కోట్లు మంది జనాభా ఉండగా, ఇంటర్నెట్ యూజర్లు వచ్చేసరికి 12.3 కోట్ల మంది ఉన్నారని తెలిసింది.
జపాన్ : దేశంలో 12.36 కోట్లు మంది జనాభా ఉన్నారు. ఆ దేశంలో ఇంటర్నెట్ యూజర్లు 10.3 కోట్లు మంది ఉన్నారు.
మెక్సికో : దేశంలో 12.93 కోట్ల మంది జనాభా ఉండగా, అక్కడ అంతర్జాలం ఉపయోగించే యూజర్లు 10.1 కోట్లు మంది ఉన్నారు.
పాకిస్థాన్ : దాయాది దేశం పాకిస్థాన్ దేశంలో 25.17 కోట్లు మంది జనాభా ఉన్నారట. అక్కడ ఇంటర్నెట్ యూజర్ల సంఖ్య 8.7 కోట్లుగా ఉంది.
మొత్తంగా అంతర్జాలాన్ని వినియోగించే విషయంలో టాప్లో చైనా భారత్ ఉండగా, ఆ తర్వాత వరుసగా పైన చెప్పిన దేశాలన్నీ ఉన్నాయి.