Shocking Video: అగ్రరాజ్యం అమెరికాను భయంకరమైన తుఫాను చుట్టుముట్టింది. మిల్టన్ అనే పేరు గల అతి భయంకరమైన హరికేన్ ప్రభావం తీవ్రతరం అవుతోంది. ఇది పశ్చిమ తీరంలో సంభవించిన అత్యంత శక్తిగల కేటగిరీ 5 తుఫాను అని అమెరికా నేషనల్ హరికేన్ సెంటర్ ప్రకటించింది. ఈ తుఫానుపై అమెరికా అధ్యక్షుడు జో బైడెన్ కూడా స్పందించారు. ఈ మేరకు ఆయన కీలక ప్రకటన చేశారు. పశ్చిమ తీరంలో నివసించే ప్రజలు వెంటనే సురక్షిత ప్రాంతాలకు వెళ్లాలని తెలిపారు.

ప్రాణమా లేదా మరణమా అనేది మీరే నిర్ణయించుకోవాలి అని అన్నారు. ఇప్పటికే లక్షల మంది ప్రజలు పశ్చిమ తీరం నుంచి సురక్షిత ప్రాంతాలకు తరలిపోతున్నారు. అయితే తాజాగా ఇంతటి ప్రమాదకర సమయంలో ఓ విమానంకు సంబంధించిన వీడియో సోషల్ మీడియాలో తెగ వైరల్ అవుతోంది. నేషనల్ ఓషియనిక్ అండ్ అట్మాస్పియరిక్ కు చెందిన ఓ పరిశోధన విమానం అని గుర్తించారు. అయితే ఇది ప్రమాదవశాత్తు హరికేన్ లోకి దూసికెళ్లినట్లు సమాచారం. దీంతో ఎన్ఓఏఏ సోషల్ మీడియాలో ఈ వీడియోను షేర్ చేసింది.

భారీ వర్షం కారణంగా మిస్ పిగ్గీ అనే ఎన్ఓఏఏకు చెందిన ఓరియన్ ఎయిర్ క్రాఫ్ట్ హరికేన్ లోకి దూసుకుపోయింది. ఈ తరుణంలో విమానంలో నలుగురు పరిశోధకులు ఉన్నట్లు సమాచారం. దీనికి సంబంధించిన వీడియో ప్రస్తుతం నెట్టింట దర్శణమిచ్చింది. భయంకరమైన గాలులు వీస్తున్న క్రమంలో విమానం కుదుపులకు గురైంది. అందులో ఉన్న వస్తువులన్ని కూడా చెల్లాచెదురయ్యాయి. ఈ క్రమంలో పరిశోధకులు కాసేపటి తర్వాత చాకచక్యంగా విమానాన్ని మరోవైపు తీసుకెళ్లడంతో ప్రమాదం నుంచి తప్పించుకున్నారు. ఈ ఘటనపై ఎయిర్ క్రాఫ్ట్ ఆపరేషన్స్ సెంటర్ పబ్లిక్ అఫైర్స్ స్పెషలిస్ట్ జోనాథన్ స్పందించారు. 50 సంవత్సరాలుగా తమ ఎన్ఓఏఏ విమానాలు తుఫానులను తట్టుకుంటు తిరుగుతున్నాయని తెలిపారు.

సుడిగాలిలో చిక్కుకున్న విమానం..
అమెరికాను వణికిస్తున్న మిల్టన్ హరికేన్
హరికేన్ లోకి దూసుకెళ్లిన నేషనల్ ఓషియానిక్ అండ్ అట్మాస్ఫియరిక్ పరిశోధన విమానం@NWSNHC @NWS#HurricaneMilton #Hurricane #BigTV pic.twitter.com/QnW6GUiwzu

— BIG TV Breaking News (@bigtvtelugu) October 9, 2024

Share

• 
• 
• 
• 
• 
•