Washing meshine Usage : వాషింగ్ మెషీన్ గురించి ప్రత్యేకంగా చెప్పనక్కర్లేదు. దుస్తులు ఉతకడానికి వాటిని ఉపయోగిస్తామన్న సంగతి తెలిసిందే. ఇది మాకు తెలీదా ఏంటని అంటారేమో? అయితే ఈ వాషింగ్ మెషీన్లో కేవలం దుస్తులు మాత్రమే కాదు… వీటితో పాటు మరికొన్ని వస్తువుల్ని కూడా శుభ్రం చేయొచ్చు. అవును మీరు చదివింది నిజం! అవి ఏంటని ఆలోచిస్తున్నారా? ఇంతకీ అవేంటి? వాటిని మెషీన్లో వేసినప్పుడు తీసుకోవాల్సిన జాగ్రత్తలేంటో ఇప్పుడు తెలుసుకుందాం!
ఏవేమి ఉతకొచ్చు అంటే –
కిచెన్‌లో వినియోగించే స్పాంజ్‌లు, వేడి గిన్నెలు కిందకు దింపడానికి వినియోగించే సిలికాన్‌ మిట్స్‌, అవెన్‌ మిట్స్‌, సిలికాన్‌ గ్లౌజులును మెషీన్లో వేయొచ్చు. ఇంకా సిలికాన్‌ ట్రివెట్స్‌ (వేడి గిన్నెల అడుగున వేసే మ్యాట్‌) ను కూడా మెషీన్ లో వేసి క్లీన్ చేసుకోవచ్చు. అయితే వీటి కోసం మరీ వేడి నీళ్లతో కాకుండా గోరువెచ్చటి నీళ్లను ఉపయోగించుకోవాలి.
చిన్న పిల్లలు ఆడుకునే సాఫ్ట్‌ టాయ్స్ను వాషింగ్ మెషీన్లో వేసి ఉతకొచ్చు. అలానే క్లాత్‌ లేదా ఫర్‌ మెటీరియల్‌తో తయారు చేసిన బొమ్మలను కూడా మెష్ బ్యాగ్లో వేసి ‘క్విక్‌ వాష్‌ ఆప్షన్ నొక్కితే చాలు. అవి కొత్త వాటిలా మెరిసిపోతాయి.
ఇంకా బెల్ట్లు ఉతకాలనుకున్నప్పుడు కూడా మెష్ బ్యాగ్లో వేసి వాషింగ్ మెషీన్లో వేసి క్లీన్ చేసుకోవచ్చు. అప్పుడు బెల్ట్లకు ఉంటే మెటల్‌ హార్డ్‌వేర్‌ పాడవదు.
త్వరగా జిడ్డు పట్టే రబ్బర్‌ బ్యాండ్స్‌, హెడ్‌ బ్యాండ్స్‌, హెయిర్ టైస్‌ వంటి హెయిర్ యాక్సెసరీస్ను కూడా మెష్ బ్యాగ్లో వేసి వాషర్‌లో శుభ్రం చేసేయొచ్చు. చర్మంపై ఉన్న మురికి, మృతకణాలు లూఫా స్పాంజ్‌లలో చేరుతాయి. కాబట్టి వీటిని కూడా మెషీన్లో వేసి శుభ్రం చేయొచ్చని నిపుణులు అంటున్నారు. మెష్ బ్యాగ్లో వేసి శుభ్రం చేయాలి.
ALSO READ : అయ్యో.. స్మార్ట్‌ ఫోన్‌ ఛార్జింగ్‌ సరిగ్గా ఎక్కట్లేదా!
ఉతికేటప్పుడు ఇవి పాటించండి –
వాషింగ్ మెషిన్లో ఉతికేటప్పుడు చల్లటి లేదా గోరువెచ్చటి నీళ్లతో శుభ్రం చేయాలి. క్విక్‌ వాష్‌ ఆప్షన్తో అయితే ఉతకడానికి లేదా క్లీన్ చేయడానికి వేసిన వస్తువుల నాణ్యత దెబ్బతినదు.
కాస్త గట్టిగా ఉండే వస్తువులు, సున్నితంగా ఉండే వస్తువుల్ని జిప్‌ లాక్‌ ఉన్న మెష్ బ్యాగ్లో మాత్రమే వేసి మెషీన్లో వేయాలి. అప్పుడే వాషర్ డ్యామేజ్‌ అవ్వదు.
దేనికైనా గాఢత తక్కువగా ఉండే డిటర్జెంట్‌ లేదా లిక్విడ్ ఉపయోగించాలి. మరీ సున్నితమైన వస్తువులకు క్యాస్టైల్‌ సోప్‌ లిక్విడ్‌ను వాడాలి.
దుర్వాసన వచ్చే వస్తువులకు వాష్‌ సైకిల్‌లో అరకప్పు వైట్‌ వెనిగర్‌ వేయాలి. అప్పుడు మంచి వాసన రావటమే కాకుండా మురికి మెుత్తం తొలిగిపోతుంది.
ఉతికిన వాటిని వెంటనే ఎండలో ఆరబెట్టాలి. అప్పుడే వాటిలో ఉండే బ్యాక్టీరియా, ఇతర క్రిములు పూర్తిగా తొలగిపోతాయి.
ఇక చివరిగా వాషర్‌లో ఏది వేసినా ముందు వాటి లేబుల్‌ను పరిశీలించాలి. అలానే వాషర్‌లో వేసే ఆయా వస్తువులను క్లీన్ చేసే ఫీచర్లు మెషీన్లో ఉన్నాయో లేదో చూసుకోవాలి. అప్పుడే మెషీన్లో వేసిన వస్తువులు, వాషర్ పాడవకుండా ఉంటుంది. ఎక్కువ కాలం మన్నిక వస్తుంది.
Share
Tirumala Laddu Row: తిరుమల లడ్డూ వివాదం, సుప్రీంకోర్టు కీలక ఆదేశాలు.. స్వతంత్ర దర్యాప్తు, టీమ్‌లో ఉండేది వీరే
Bigg Boss 8 Day 33 Promo1: మార్నింగ్ మస్తీ.. చిలకజోస్యంతో అదరగొట్టిన మణికంఠ..!
