Ram Charan RC15 Look : మెగా పవర్స్టార్ రామ్ చరణ్ పాలిటిక్స్ ప్రచారంలో బిజీగా ఉన్నారు. అదేంటి ఇప్పుడేం తెలుగు రాష్ట్రాల్లో కానీ..ఇతర రాష్ట్రాల్లో కానీ ఎలాంటి ఎన్నికలు జరగటం లేదే. మరేంటి చరణ్ పాలిటిక్స్లో బిజీగా ఉండటం అనే సందేహం రాక మానదు. అసలు విషయమేమంటే.. రామ్ చరణ్, శంకర్ కాంబినేషన్లో ఓ పాన్ ఇండియా తెరకెక్కుతోన్న సంగతి తెలిసిందే. RC 15 వర్కింగ్ టైటిల్తో తెరకెక్కుతోన్న ఈ సినిమా లేటెస్ట్ షెడ్యూల్ను రాజమండ్రిలోని గోదావరి నదీ ప్రాంతంలో చిత్రీకరిస్తున్నారు. అందులో భాగంగా అక్కడ రాజకీయ పార్టీ మీటింగ్ సెట్ను వేశారు. రామ్ చరణ్, శ్రీకాంత్లపై ఫ్లాష్ బ్యాక్ సన్నివేశాలను షూట్ చేస్తున్నారు.
నెట్టింట రామ్ చరణ్ లుక్కి సంబంధించిన ఫొటోలు, వీడియోలు తెగ వైరల్ అవుతున్నాయి. ఈ చిత్రంలో రామ్ చరణ్ ముఖ్యమంత్రి పాత్రలో కనిపిస్తారనే వార్తలను మనం వినే ఉంటాం. వాటికి సంబంధించిన సన్నివేశాలను ఇప్పుడు చిత్రీకరిస్తున్నారు. రూ.400 కోట్ల బడ్జెట్తో తెలుగు నిర్మాతలు దిల్ రాజు, శిరీష్ RC 15ను పాన్ ఇండియా రేంజ్ మూవీగా రూపొందిస్తున్నారు. వచ్చే ఏడాది సమ్మర్లో ఈ చిత్రాన్ని విడుదల చేయబోతున్నారని టాక్
RC 15లో రామ్ చరణ్ డ్యూయెల్ రోల్. అందులో ఓ పాత్రను ముఖ్యమంత్రిగా కనిపిస్తే.. మరో పాత్రను ఎన్నికలను నిర్వహించే ఐఏఎస్ ఆఫీసర్గా ఆయనే చేస్తున్నారు. . కియారా అద్వాని హీరోయిన్గా నటిస్తోన్న ఈ మూవీలో ఎస్.జె.సూర్య, సునీల్ తదితరులు ఇతర కీలక పాత్రల్లో కనిపించనున్నారు.