Kaikala: కైకాల సత్యనారాయణ పార్థీవ దేహానికి చిరంజీవి నివాళి అర్పించారు. పవన్ కల్యాణ్, త్రివిక్రమ్ శ్రీనివాస్ తో కలిసి కైకాల ఇంటికి వెళ్లారు. సత్యనారాయణ కుటుంబ సభ్యులను చూసి భావోద్వేగానికి గురయ్యారు. ఆయనతో జ్ఞాపకాలు గుర్తు చేసుకొని కంటతడి పెట్టారు.

ఆత్మీయంగా పిలిచే ఓ అన్నయ్యను కోల్పోయానని చిరంజీవి బాధ వ్యక్తం చేశారు. కైకాలతో నటించిన ప్రతీ సినిమా ఒక తీపి జ్ఞాపకం అన్నారు. విలక్షణ నటుడిగా ప్రజల గుండెల్లో చిరస్థాయిగా నిలిచిపోతారన్నారు చిరంజీవి.

కైకాల సత్యనారాయణ అజాత శత్రువు లాంటి వారిని పవన్ కల్యాణ్ అన్నారు. కైకాల లేని లోటు ఎవరూ పూడ్చలేరని త్రివిక్రమ్ చెప్పారు.

అంతకుముందు, సత్యనారాయణ మరణం పట్ల చిరంజీవి సంతాపం ప్రకటించారు. నటన, రుచికరమైన భోజనం.. ఈ రెండూ ఆయనకు ప్రాణమని చెప్పారు. వారి అనుబంధంపై సోషల్ మీడియాలో వివరంగా పోస్టు పెట్టారు చిరంజీవి.

చిరంజీవి, కైకాల. వయసులో చాలా బేధం ఉన్నా.. వారిద్దరి మధ్య మంచి అనుబంధమే ఉంది. చిరంజీవి హీరోగా నటించిన విజేత, కొండవీటి రాజా, మగధీరుడు, చక్రవర్తి, జేబుదొంగ, మంచిదొంగ, యముడికి మొగుడు, ఖైదీ నెంబర్ 786, రుద్రవీణ, అత్తకు యముడు అమ్మాయికి మొగుడు, స్టేట్‌ రౌడీ, కొదమసింహాం, రౌడీ అల్లుడు, ఘరానా మొగుడు, మెకానిక్‌ అల్లుడు, బావగారు బాగున్నారా.. ఇలా అనేక సినిమాల్లో సత్యనారాయణ కీలక పాత్రల్లో నటించారు.

Share

• 
• 
• 
• 
• 
•