Netflix : నెట్ఫ్లిక్స్ భారీ నష్టాల్లో ఉన్న విషయం తెలిసిందే. గత పదేళ్లలో ఎన్నడూ లేనంత సబ్స్క్రైబర్లు నెట్ఫ్లిక్స్కు తగ్గిపోయారు. దీనికి ప్రధాన కారణం పాస్వర్డ్ షేరింగేనని నెట్ఫ్లిక్స్ అభిప్రాయ పడింది. ఈ సమస్య నుంచి నెట్ఫ్లిక్స్ గట్టెక్కడానికి పాస్వర్డ్ షేరింగ్ను ఆపేసే పని మొదలుపెట్టింది. అయితే ఈ పాస్వర్డ్ షేరింగ్ రిస్ట్రిక్షన్ను లాటిన్ అమెరికా, కోస్టారికా, చిలీ, పెరూ లాంటి దేశాల్లో మాత్రమే అమలు పరుస్తున్నారు. 2023 నుంచి క్రమంగా అన్ని దేశాలకు పాస్వర్డ్ రిస్ట్రిక్షన్ను అమలుపర్చనున్నారు.
నెట్ఫ్లిక్స్ పాస్వర్డ్ ను కొందరు స్నేహితులకు, బంధువులకు షేర్ చేస్తూ ఉంటారు. వారు నెట్ఫ్లిక్స్ను సబ్స్క్రైబ్ చేసుకోకపోవడంతో నెట్ఫ్లిక్స్కు భారీ లాస్. 2023 నుంచి నెట్ఫ్లిక్స్ కొత్తగా తీసుకొచ్చే నిబంధనలో పాస్వర్డ్ షేరింగ్ కోసం అదనంగా చెల్లించాల్సి ఉంటుంది. లాటిన్ అమెరికా లాంటి దేశాల్లో.. పాస్వర్డ్ షేరింగ్ కోసం (రూ. 250) వరకు చర్జ్ చేస్తున్నారు. భారత్లో కూడా నెట్ఫ్లిక్స్ రేట్లు రాబోయే రోజుల్లో మరింత పెరుగుతాయి. ప్రస్తుతం నెట్ఫ్లిక్స్ చార్జీలు.. మొబైల్ ప్లాన్ : రూ.149, బేసిక్ ప్లాన్ : రూ.199, ప్రీమియం ప్లాన్ : రూ.649.