Elon Musk : ట్విట్టర్‌లో చోటుచేసుకున్న మార్పులు..తీసుకున్న నిర్ణయాలపై మస్క్ మొదటి సారి ట్విట్టర్లో డిటెయిల్డ్‌గా యూజర్లకు వివరించారు. ఈ సందర్భంగా నెటిజన్లు అడిగిన ఎన్నో ప్రశ్నలకు కూడా మస్క్ సమాధానమిచ్చారు. ట్విట్టర్‌ను తాను కౌవసం చేసుకున్నప్పుడు… దారితప్పి నేలపై పడుతున్నా విమానంలా ఉండేదని మస్క్ అన్నారు.

ట్విట్టర్లో అనవసర వ్యయాల్ని తగ్గించడానికి 5 వారాలు అవిశ్రాంతంగా తాను కష్టపడినట్లు మాస్క్ పేర్కొన్నారు. కఠిన నిర్ణయాలు గనుక తీసుకొనకపోతే ట్విట్టర్ పై ప్రతీ సంవత్సరం 3 బిలియన్ డాలర్ల నష్టం పడుతుందని అన్నారు.

ట్విట్టర్‌లో అడ్వర్టైజ్మెంట్స్ ఇవ్వటానికి ఎందుకు వెనకబడుతున్నారో తాము గ్రహించామన్నారు మస్క్. అందుకు అవసరమైన మార్పులను చేశామన్నారు. కేవలం ట్విట్టర్ హార్డ్‌వేర్ కోసమే ప్రతీ సంవత్సరానికి 1.5 బిలియన్ డాలర్లు ఖర్చువుతోందన్నారు ఎలాన్ మస్క్.

సరైన వ్యక్తి దొరికితే ట్విట్టర్ సీఈవో బాధ్యతల నుంచి వైదొలుగుతానని మస్క్ ప్రకటించారు. దీనికి సంబంధించి ట్విట్టర్‌లో ఓ పోల్‌ను కూడా నిర్వహించారు. ఈ పోల్‌లో 57 శాతం మంది.. మస్క్‌ను ట్విట్టర్ సీఈవోగా కొనసాగవద్దని వోట్ వేశారు.

Share

• 
• 
• 
• 
• 
•