Devara: మ్యాన్ ఆఫ్ మ్యాసెస్  ఎన్టీఆర్, జాన్వీ  కపూర్ జంటగా కొరటాల శివ దర్శకత్వం వహించిన చిత్రం దేవర.  ఎన్టీఆర్ ఆర్ట్స్ మరియు యువసుధ ఆర్ట్స్ సంయుక్తంగా నిర్మించిన ఈ సినిమా రేపు.. అనగా సెప్టెంబర్ 27 న ప్రేక్షకుల ముందుకు రానుంది. ఇప్పటికే ఈ సినిమా నుంచి రిలీజ్ అయిన ట్రైలర్, సాంగ్స్ ప్రేక్షకులను  విశేషంగా ఆకట్టుకోవడమే కాకుండా అంచనాలను పెంచేసింది.

దేవర సినిమా ప్రమోషన్స్  మొదలైనప్పటినుంచి ఆయుధ పూజ సాంగ్ నెక్స్ట్ లెవెల్ లో ఉంటుందని మేకర్స్ చెప్పుకుంటూ వస్తున్నారు. అయితే ఆయుధ పూజ సాంగ్ ఎప్పడెప్పుడు వస్తుందా.. ? అని అభిమానులు వెయ్యి కళ్ళతో ఎదురుచూస్తున్నారు.

ఇక తాజాగా  దేవర జ్యూక్ బాక్స్ ను మేకర్స్ రిలీజ్ చేశారు. ఇందులో ఆయుధ పూజ సాంగ్ ను కూడా యాడ్ చేశారు. ఆయుధ పూజ సాంగ్ కు థియేటర్ లో పూనకాలు ఖాయం అని చెప్పొచ్చు. అనిరుధ్ మ్యూజియం ఇచ్చిపడేశాడు.  ఎర్రటి సంద్రం ఎగిసి పడే.. అద్దిరి ఇద్దిరి అదిరిపడే హోరు.. రణధీరుల పండుగ నేడు అంటూ సాగిన ఈ సాంగ్ ఆద్యంతం ఆకట్టుకుంటుంది.  ఈ సాంగ్ కు రామజోగయ్య శాస్త్రి లిరిక్స్ అందించగా.. కాల  భైరవ తన బేస్ వాయిస్  తో ఆలపించాడు.

ఇక ఈ సాంగ్ లో  రణధీరులుగా  ఎన్టీఆర్, సైఫ్,  శ్రీకాంత్ మొత్తం డ్యాన్స్ చేస్తూ కనిపించినట్లు తెలుస్తోంది.  లిరిక్స్ ను బట్టి సముద్రంలో వేటకు వెళ్లేముందు గ్రామస్తులు అందరు కలిసి చేసే ఆచారంలా కనిపిస్తుంది. ఎప్పటినుంచో ఆయుధ పూజ సాంగ్ కోసం ఎదురుచూస్తున్న అభిమానులు.. నిరాశపడకుండానే అనిరుధ్ మ్యూజిక్ ను అందించినరట్లు కనిపిస్తోంది. సాంగ్ మొత్తం ఎక్కడా స్లో అవ్వకుండా మంచి హైప్ ను క్రియేట్ చేస్తోంది. ప్రస్తుతం ఈ సాంగ్ సోషల్ మీడియాను షేక్ చేస్తోంది. మరి దేవర సినిమా ఎన్టీఆర్ కు ఎలాంటి విజయాన్ని అందిస్తుందో చూడాలి.

Share

• 
• 
• 
• 
• 
•