Alia Bhatt: బాలీవుడ్  బ్యూటీ అలియా భట్ గురించి తెలుగు ప్రేక్షకులకు  ప్రత్యేకంగా పరిచయం చేయాల్సిన అవసరం లేదు. ఆర్ఆర్ఆర్ సినిమాతో తెలుగుతెరకు పరిచయమైన ఈ భామ.. సినిమాలో కొద్దిసేపు కనిపించినా కూడా  ప్రేక్షకులను తన అందంతో ఫిదా చేసింది. ఈ సినిమా తరువాత ఈ చిన్నది తెలుగులో మరో సినిమా  చేసింది లేదు.

ఇక బాలీవుడ్ రాకుమారుడు రణబీర్ కపూర్ ను ప్రేమించి పెళ్లాడిన  అలియా.. ప్రస్తుతం రాహాకు తల్లిగా బాధ్యతలు నిర్వర్తిస్తుంది. అలా అని  గృహిణిగా ఇంట్లోనే ఉండిపోలేదు. ప్రెగ్నెంట్ అప్పుడే ఈ చిన్నది షూటింగ్ లో పాల్గొంది. పెళ్లి తరువాత గ్లామర్ సినిమాలను తగ్గించి.. మంచి కథలను ఎంచుకుంటున్న అలియా..  తాజాగా జిగ్రా అనే సినిమాలో నటిస్తోంది. త్వరలోనే ఈ చిత్రం ప్రేక్షకుల ముందుకు రానుంది.

ఇక జిగ్రా ప్రమోషన్స్ లో  దేవర కూడా భాగమయ్యాడు.  దేవర ప్రమోషన్స్ లో భాగంగా ముంబై వెళ్లిన  ఎన్టీఆర్.. అలియా, కరణ్ జోహార్ తో కలిసి ఒక ఇంటర్వ్యూలో పాల్గొన్నాడు.  అలియా, ఎన్టీఆర్ కలిసి ఆర్ఆర్ఆర్  సినిమాలో నటించారు. అప్పటి నుంచి వీరిద్దరూ మంచి స్నేహితులుగా మారారు. ఈ ఇంటర్వ్యూలో ఎన్నో అద్భుతమైన విషయాలను అభిమానులతో పంచుకున్నారు. ముఖ్యంగా అలియా.. చుట్టమల్లే సాంగ్ ను ఆలపించిన  విధానం సోషల్ మీడియాను షేక్ చేస్తోంది.

దేవర  చిత్రంలో చుట్టమల్లే సాంగ్ ఏ రేంజ్ లో సెన్సేషన్ క్రియేట్ చేసిందో ప్రత్యేకంగా చెప్పాల్సిన అవసరం లేదు. ఇక ఆ సాంగ్ ను అలియా ఎంతో అద్భుతంగా ఆలపించింది. ఆమె వాయిస్ కు సపరేట్ ఫ్యాన్ బేస్ ఉంఫండని చెప్పాలి. గతంలో  బ్రహ్మాస్త్ర ప్రమోషన్స్ లో కూడా అలియా.. తెలుగులో చక్కగా కుంకుమలా సాంగ్ ను ఆలపించింది.

తెలుగులో అలియా ముద్దు ముద్దుగా మాట్లాడమే కాకుండా ఇలా తెలుగు సాంగ్స్ ను పాడడం ఎంతో బావుందని అభిమానులు చెప్పుకొస్తున్నారు.  అలియా సాంగ్ కు ఎన్టీఆర్ సైతం ఫిదా అయ్యాడు. ప్రస్తుతం ఇందుకు  సంబంధించిన వీడియో నెట్టింట వైరల్ గా మారింది. మరి..   ఆర్ఆర్ఆర్ తరువాత  అలియా ఏ స్టార్ హీరో సినిమాతో తెలుగుకు రీఎంట్రీ ఇస్తుందో చూడాలి.

#Chuttamalle
Alia sung the vocals of sensational song #Chuttamalle , multi talented @aliaa08 #Devara #DevaraTrailer #SaifAliKhan #AliaBhatt #DevaraStorm #DevaraOnSept27th #jrntr #DevaraJatharaaBegins #JanhviKapoor #DevaraCelebrations pic.twitter.com/lNFoMLCZdw

— ONN18 NEWS (@imran1khan) September 24, 2024

Share

• 
• 
• 
• 
• 
•