Kill Movie.. ప్రస్తుత కాలంలో థియేటర్లలో భారీ విజయం సొంతం చేసుకున్న చిత్రాలన్నీ కూడా 8 వారాల తర్వాతే ఓటీటీ లోకి వచ్చి ఆడియన్స్ ను సందడి చేస్తున్నాయి. ఈ క్రమంలోనే బాలీవుడ్ ఇండస్ట్రీలో సూపర్ హిట్ గా నిలిచిన మోస్ట్ వైలెంట్ చిత్రం కిల్ . జూలై 5వ తేదీన థియేటర్లలో విడుదలై సంచలనం సృష్టించింది. ముఖ్యంగా ఊహించని ట్విస్ట్ లు, వణుకు పుట్టించే సన్నివేశాలతో ఆద్యంతం క్యూరియాసిటీని కలిగించిన ఈ సినిమాకి, థియేటర్లలో ఒక రేంజ్ లో రెస్పాన్స్ లభించింది. ఇప్పుడు ఈ సినిమా ఓటీటీలోకి వచ్చేసిందని చెప్పవచ్చు.

డిస్నీ ప్లస్ హాట్ స్టార్ లో స్ట్రీమింగ్..

ప్రముఖ ఓటిటి ప్లాట్ ఫామ్ డిస్నీ ప్లస్ హాట్ స్టార్ లో సెప్టెంబర్ 6 నుంచే స్ట్రీమింగ్ కి వచ్చేసింది. 20 రోజులుగా కేవలం హిందీలోనే అందుబాటులో ఉన్న ఈ సినిమా ఇప్పుడు తెలుగుతో పాటు తమిళ్, మలయాళం భాషల్లో కూడా ప్రేక్షకులను అలరించడానికి స్ట్రీమింగ్ అవుతోంది. ఈరోజు అనగా సెప్టెంబర్ 24 నుంచి తెలుగుతో పాటు తమిళ్, మలయాళం భాషల్లో కూడా ఈ సినిమా స్ట్రీమింగ్ అవుతోంది. అత్యంత హింసాత్మకంగా పేరు తెచ్చుకున్న ఈ సినిమా బాక్సాఫీస్ వద్ద రూ .50 కోట్ల వరకు వసూలు చేసింది. ముఖ్యంగా ఈ సినిమా లో హింస ఎక్కువగా ఉందంటూ విమర్శలు వచ్చాయి. కానీ బాక్స్ ఆఫీస్ వద్ద మాత్రం ఊహించని రెస్పాన్స్ లభించింది. ఈ సినిమాలో తాన్య మనక్తి, లక్ష్ లాల్వానీ ఇందులో కీలక పాత్రలు పోషించారు.

టొరంటో ఇంటర్నేషనల్ ఫిలిం ఫెస్టివల్ లో ప్రదర్శన..

ఇకపోతే తొలిసారి సెప్టెంబర్ నెలలో టొరంటో ఇంటర్నేషనల్ ఫిలిం ఫెస్టివల్ లో ఈ చిత్రాన్ని ప్రదర్శించారు. ఇంకా ఇప్పుడు తెలుగు ప్రేక్షకులను కూడా అలరించడానికి సిద్ధమైన నేపథ్యంలో.. అటు రేటింగ్ కూడా భారీగా సొంతం చేసుకునే అవకాశాలు కనిపిస్తున్నాయి. మరి థియేటర్లలో భారీ విజయాన్ని అందించిన ఈ కిల్ మూవీ.. ఇటు ఓటీటీలో ఏ విధంగా మెప్పిస్తుందో చూడాలి.

కిల్ మూవీ సినిమా కథ..

సినిమా కథ విషయానికి వస్తే.. కిల్ ఎక్కువగా రైలులో సాగే యాక్షన్ థ్రిల్లర్ మూవీ. ఢిల్లీ నుంచి రాంచికి వెళ్లే రైలులో బందిపోట్లు చేసిన దాడి, ఆ దాడిని హీరో ఎలా తిప్పి కొట్టాడు. బందిపోట్ల దాడిలో హీరోయిన్ కి , ఆమె కుటుంబానికి ఏం జరిగింది. అనేది ఈ సినిమా కథ. ఈ కథను చాలా అద్భుతంగా నెరేట్ చేసి ప్రేక్షకులను ఆకట్టుకున్నారు ప్రముఖ బాలీవుడ్ డైరెక్టర్ నిఖిల్ నగేష్ భట్. ఇప్పుడు తెలుగులో కూడా ఈ సినిమా స్ట్రీమింగ్ అవుతోంది ఇందులో అమిత్ రాథోజ్ (ఆర్మీలో ఎన్ఎస్జి కమాండర్) గా లక్షా లాల్వాని నటించగా, అతడి ప్రేయసి తులికా పాత్రలో తన్య మనక్తి నటించారు. మరి ఎన్నో అంచనాల మధ్య ఓటీటీ స్ట్రీమింగ్ కి సిద్ధమైన ఈ సినిమాని తెలుగు ప్రేక్షకులు ఏ విధంగా ఆదరిస్తారో చూడాలి.

Share

• 
• 
• 
• 
• 
•