Homemade Cough Remedies: పొడి దగ్గు అనేది చాలా సాధారణమైంది. కానీ ఇది చాలా చికాకు కలిగించే సమస్య. అలెర్జీలు, జలుబు, దుమ్ము, గొంతు ఇన్ఫెక్షన్ వంటి అనేక కారణాల వల్ల దగ్గు వచ్చే అవకాశం ఉంటుంది. పొడి దగ్గు సమయంలో శ్లేష్మం ఉత్పత్తి కాదు. కానీ దగ్గు తరుచుగా వస్తుండటంతో ఎక్కువ గొంతులో నొప్పిగా ఉంటుంది. ముఖ్యంగా రాత్రి సమయంలో చాలా కాలంగా పొడి దగ్గుతో బాధపడుతుంటే కనక మందులతో పాటు, కొన్ని రకాల హోం రెమెడీస్ పాటించడం ద్వారా దగ్గును నుంచి ఉపశమనం పొందవచ్చు.

అల్లం, తేనె:
అల్లంలో యాంటీ ఇన్ఫ్లమేటరీ, యాంటీ బాక్టీరియల్ లక్షణాలు పుష్కంగా ఉంటాయి. ఇవి పొడి దగ్గును తగ్గించడంలో సహాయపడతాయి. తేనె గొంతుకు ఉపశమనాన్ని కలిగిస్తుంది. దగ్గును కూడా తగ్గిస్తుంది.

ఒక చెంచా అల్లం రసంలో కాస్త తేనెను కలిపి రోజుకు 2-3 సార్లు తినడం వల్ల మంచి ఫలితం ఉంటుంది. లేదా దగ్గు ఎక్కువగా ఇబ్బంది పెట్టినప్పుడు అల్లం టీ కూడా తాగవచ్చు. ఇందుకోసం అల్లం ముక్కను నీళ్లలో మరిగించి అందులో తేనె కలుపుకుని తాగాలి.

తాజా అల్లం సహజ యాంటీఆక్సిడెంట్, యాంటీ ఇన్ఫ్లమేటరీ లక్షణాలను కలిగి ఉంటుంది. ఇది దగ్గు నుంచి ఉపశమనం పొందడంలో సహాయపడుతుంది. ఇందులోని జింజెరాల్ వంటి క్రియాశీల సమ్మేళనాలు గొంతు కండరాలను విశ్రాంతి తీసుకోవడానికి గొంతు నొప్పిని తగ్గించడంలో సహాయపడతాయి.

శ్వాసకోశ సమస్యలపై తాజా అల్లం యొక్క ప్రభావవంతంగా పనిచేస్తుంది. అంతే కాకుండా ఇది యాంటీవైరల్ ప్రభావాన్ని కలిగి ఉంటుంది. అయినప్పటికీ, తేలికపాటి దగ్గు లక్షణాలను తగ్గించడానికి అల్లం టీ పని చేస్తుంది. కాస్త అల్లంను ముక్కలుగా చేసి, వేడినీటిలో వేసి సుమారు 15 నిమిషాలు ఉంచండి. ఆ తర్వాత ఈ నీటిని తాగడం వల్ల దగ్గు తగ్గుతుంది.

పసుపు, పాలు:
పసుపులో యాంటీ బ్యాక్టీరియల్, యాంటీ వైరల్ లక్షణాలు ఉంటాయి. ఇవి పొడి దగ్గును తగ్గించడంలో సహాయపడతాయి. ఇది గొంతు వాపును కూడా తగ్గిస్తుంది. అంతే కాకుండా రాత్రి బాగా నిద్రపోవడానికి సహాయపడుతుంది.

అర టీస్పూన్ పసుపు పొడిని ఒక గ్లాసు గోరువెచ్చని పాలలో కలపండి. రాత్రి నిద్రపోయే ముందు దీనిని తాగండి. కావాలంటే, మీరు అందులో కొంచెం ఎండుమిర్చిని కూడా వేయవచ్చు. ఇది దగ్గు నుండి త్వరగా ఉపశమనాన్ని కలిగిస్తుంది.

Also Read: గుమ్మడికాయ జ్యూస్‌తో ఈ సమస్యలన్నీ దూరం

లైకోరైస్ టీ:
లిక్కోరైస్ దగ్గుకు పాత, సమర్థవంతమైన ఇంటి నివారణ. ఇది గొంతు మంటను తగ్గిస్తుంది. అంతే కాకుండా దగ్గును కూడా నియంత్రిస్తుంది.

ఒక కప్పు నీటిలో కొన్ని లైకోరైస్ లను వేసి 5-10 నిమిషాలు ఉడకబెట్టండి. ఆ తర్వాత దీన్ని వడపోసి తాగాలి. లైకోరైస్ టీని రోజుకు 2-3 సార్లు తీసుకోవడం వల్ల పొడి దగ్గు నుండి త్వరగా ఉపశమనం లభిస్తుంది.

గమనిక: ఈ వివరాలు కేవలం మీ అవగాహన కోసమే. పలు పరిశోధనలు.. అధ్యయనాల్లో పేర్కొన్న అంశాలను ఇక్కడ యథావిధిగా అందించాం. డాక్టర్‌ను సంప్రదించిన తర్వాతే వీటిని పాటించాలి. ఇందులో పేర్కొన్న అంశాలకు ‘బిగ్ టీవీ’ ఎటువంటి బాధ్యత వహించదని గమనించగలరు.

Share

• 
• 
• 
• 
• 
•