Jeera Water Benefits: సాధారణంగా ప్రతి రోజు తయారు చేసుకునే ఆహారంలో జీలకర్రను వాడుతూ ఉంటాం. జీలకర్ర పేరు వినని వారు ఎవరూ ఉండరు. జీలకర్ర ఆరోగ్యానికి ఎంతో మేలు చేస్తుంది. అనేక శారీరక సమస్యలను దూరం చేయడంలో కూడా సహాయపడుతుంది. జీలకర్రలో ఉండే పోషకాలు జీర్ణాశయ ఆరోగ్యాన్ని మెరుగుపరుస్తాయి. అంతే కాకుండా వ్యాధి నిరోధక శక్తి తక్కువగా ఉన్నవారు జీలకర్ర నీటిని తాగితే రోగ నిరోధక శక్తి పెరుగుతుంది.
జీలకర్ర నీటిని తాగడం వల్ల శరీరంలో పేరుకుపోయిన అదనపు కొవ్వును తగ్గించడంలో కూడా సహాయపడుతుంది. జీలకర్ర నీరు శరీరాన్ని డిటాక్సిఫై చేయడంలో కూడా ఉపయోగపడుతుంది. జీలకర్ర నీరు త్రాగడం వల్ల కలిగే ప్రయోజనాల గురించి తెలుసుకుందాం.
జీలకర్ర నీరు తాగడం వల్ల కలిగే 5 ప్రయోజనాలు..
జీర్ణక్రియను మెరుగుపరుస్తుంది:
జీలకర్ర వాటర్లో ఉండే పోషకాలు జీర్ణ ఎంజైమ్లను ప్రేరేపిస్తాయి, ఇది ఆహారాన్ని సులభంగా జీర్ణం చేయడానికి సహాయపడుతుంది. అంతే కాకుండా గ్యాస్, అజీర్ణం, మలబద్ధకం వంటి సమస్యలను తొలగించడంలో సహాయపడుతుంది.
బరువు తగ్గడానికి ఉపయోగపడుతుంది:
జీలకర్ర వాటర్ లో ఉండే యాంటీఆక్సిడెంట్లు, ఫైబర్.. బరువు తగ్గడంలో సహాయపడతాయి. ఇది జీవక్రియను పెంచుతుంది. అంతే కాకుండా శరీరంలో కొవ్వు పేరుకుపోకుండా చేస్తుంది. దీనితో పాటు, పేరుకుపోయిన కొవ్వును తగ్గించడంలో కూడా ఇది సహాయపడుతుంది.
రోగనిరోధక శక్తిని పెంచుతుంది:
జీలకర్ర నీరులో యాంటీఆక్సిడెంట్లు, యాంటీ ఇన్ఫ్లమేటరీ లక్షణాలు ఉన్నాయి. ఇవి రోగనిరోధక శక్తిని బలోపేతం చేస్తాయి. ఇది అనేక రకాల ఇన్ఫెక్షన్ల నుంచి మిమ్మల్ని రక్షిస్తుంది. జీలకర్ర నీటిని తాగడం వల్ల సీజనల్ వ్యాధులు కూడా తగ్గుతాయి.
చర్మానికి మేలు చేస్తుంది:
జీలకర్ర నీరు చర్మాన్ని ఆరోగ్యంగా, మెరిసేలా చేయడంలో సహాయపడుతుంది. ఇది మొటిమలు, మచ్చలు రాకుండా చేస్తుంది. అంతే కాకుండా ముడతలను తగ్గించడంలో ఉపయోగపడుతుంది.
Also Read: ఈ టీతో మీ అనారోగ్య సమస్యలన్నీ పరార్ !
శరీరాన్ని డిటాక్సిఫై చేస్తుంది:
జీలకర్ర నీరు శరీరంలో పేరుకుపోయిన టాక్సిన్లను బయటకు పంపడంలో సహాయపడుతుంది. ఇది మూత్రపిండాలు, కాలేయాన్ని ఆరోగ్యంగా ఉంచడంలో కూడా సహాయపడుతుంది.
జీలకర్ర నీటిని ఎలా తయారు చేయాలి..?
ఒక చెంచా జీలకర్రను ఒక గ్లాసు నీటిలో వేసి రాత్రంతా నానబెట్టాలి. ఈ నీటిని వడపోసి ఉదయాన్నే ఖాళీ కడుపుతో త్రాగాలి. కావాలంటే, మీరు దీనికి కొద్దిగా నిమ్మరసం కూడా కలుపుకోవచ్చు. ఇది జీలకర్ర నీటి రుచిని మరింత పెంచుతుంది.
గర్భిణీ స్త్రీలు జీలకర్ర నీటిని తాగే ముందు తప్పక డాక్టర్లను సంప్రదించాలి.
(గమనిక: ఇక్కడ ఇచ్చిన సమాచారం ఇంటర్నెట్ నుంచి సేకరించినది. bigtvlive.com దీనిని ధృవీకరించదు.)