Masik Shivaratri 2024: ఈ సంవత్సరం సెప్టెంబర్ నెలలో రెండుసార్లు శివరాత్రి వచ్చే అవకాశం ఉంది. ఈ నెలలో మాసిక్ శివరాత్రి సోమవారం వస్తుంది. సోమవారం శివుడికి అంకితం చేయబడింది. ఈ రోజు భక్తులు శివుడిని సరైన ఆచారాలతో పూజించడం ద్వారా శుభ ఫలితాలను పొందుతారని పురాణాలు చెబుతున్నాయి. సెప్టెంబరు నెలలో శివరాత్రి ఎప్పుడు ఉంటుంది. శుభ సమయం, పూజా విధానాన్ని గురించి ఇప్పుడు తెలుసుకుందాం.

మాసిక్ శివరాత్రి తిథి , శుభ ముహూర్తం: 

కృష్ణ పక్ష చతుర్దశి తిథి సోమవారం, 30 సెప్టెంబర్ 2024 సాయంత్రం 7.06 గంటలకు మాసిక్ శివరాత్రి ప్రారంభమై అక్టోబర్ 1, 2024 మంగళవారం ఉదయం 09:39 గంటలకు ముగుస్తుంది. ఈ నేపథ్యంలోనే సెప్టెంబరు 30న మాసిక్ శివరాత్రిని జరుపుకోనున్నారు. ఈ రోజున పూజకు అనుకూలమైన అభిజిత్ ముహూర్తం ఉదయం 11:47 నుండి మధ్యాహ్నం 12:35 వరకు, సాయంత్రం 06:08 నుండి 06:32 వరకు ఉంటుంది.

Also Read: పరివర్తిని ఏకాదశి రోజు ఇలా చేస్తే అష్టైశ్వర్యాలు సిద్ధిస్తాయి

మాస శివరాత్రి పూజ..

ఈ రోజున ఉదయాన్నే లేచి స్నానం ఆచరించి శుభ్రమైన దుస్తులు ధరించాలి. అనంతరం శివుని పూజించండి. అలాగే పాలు, పెరుగు, తేనె, నెయ్యి, చెరుకు రసంతో సహా ఐదు వస్తువులతో శివుడికి అభిషేకం చేయండి. ఆ తర్వాత శివలింగంపై తెల్లటి చందనం, తెల్లటి పూలు, నల్ల నువ్వులు, తెల్ల బియ్యం, బిల్వ పత్రాన్ని సమర్పించండి. తర్వాత నెయ్యి దీపం కూడా వెలిగించాలి. ఇప్పుడు శివ చాలీసా పఠించి హారతి ఇవ్వండి. ఈ పారాయణం, హారతి ద్వారా మీరు జీవితంలో ఎదుర్కొనే అన్ని బాధలు నుంచి ఉపశమనం పొందుతారు.

మాసిక్ శివరాత్రి ఉపవాసం యొక్క ప్రాముఖ్యత:

మత విశ్వాసాల ప్రకారం మాసిక్ శివరాత్రి వ్రతాన్ని ఆచరించడం ద్వారా, వివాహిత స్త్రీలు వైవాహిక ఆనందాన్ని పొందుతారు. అంతే కాకుండాపెళ్లి కాని అమ్మాయిలకు ముందస్తు వివాహాలు జరిగే అవకాశాలు ఉన్నాయి. శివరాత్రి నాడు శివుడిని ఆరాధించడం ద్వారా మీ జీవితం ఆనందం మయంగా మారుతుంది.

(గమనిక : ఇక్కడ ఇచ్చిన సమాచారం ఇంటర్నెట్ నుంచి సేకరించినది. bigtvlive.com దీనిని ధృవీకరించదు.)

Share

• 
• 
• 
• 
• 
•