iPhone 16 series: ప్రముఖ అమెరికన్ స్మార్ట్‌ఫోన్ల తయారీ సంస్థ Appleకి ప్రపంచ వ్యాప్తంగానే కాకుండా దేశ వ్యాప్తంగా మంచి డిమాండ్ ఉంది. ఈ కంపెనీ ఫోన్లు అధిక ధరలో ఉన్నా.. కొనేందుకు కొందరు వెనుకాడటం లేదు. ఈ క్రమంలోనే వినియోగదారుల డిమాండ్‌ను దృష్టిలో పెట్టుకుని యాపిల్ కంపెనీ కొత్త కొత్త సిరీస్‌లను మార్కెట్‌లోకి తీసుకొస్తుంది. ఇప్పటికే ఐఫోన్ 15 సిరీస్‌ను మార్కెట్‌లో విక్రయిస్తుంది. త్వరలో తన లైనప్‌లో ఉన్న ఐఫోన్ 16 సిరీస్‌ను తీసుకొచ్చేందుకు రంగం సిద్ధం చేసింది. iPhone 16 సిరీస్ వచ్చే వారం లాంచ్ అయ్యే ఛాన్స్ కనిపిస్తుంది.

ఈ iPhone 16 సిరీస్‌లో iPhone 16, iPhone 16 Plus, iPhone 16 Proతో సహా iPhone 16 Pro Max వంటి మోడల్స్ ఉండే అవకాశం ఉంది. తాజాగా ఈ స్మార్ట్‌ఫోన్‌ల గురించి కొంత సమాచారం లీక్ అందింది. ఈ సిరీస్‌లోని iPhone 16 Pro, iPhone 16 Pro Maxలో వీడియో రికార్డింగ్‌కు సంబంధించిన ఇంప్రూవ్‌మెంట్స్ ఉండే అవకాశం ఉంది. ఓ నివేదిక ప్రకారం.. iPhone 16 Pro, iPhone 16 Pro Max లు 48-మెగాపిక్సెల్ వెనుక కెమెరాను అల్ట్రా-వైడ్ లెన్స్‌తో కలిగి ఉండవచ్చని తెలుస్తుంది.

5x ఆప్టికల్ జూమ్‌తో ఈ స్మార్ట్‌ఫోన్‌లలో టెట్రాప్రిజం లెన్స్‌ను అందించినట్లు సమాచారం. ఈ లెన్స్ గత సంవత్సరం ప్రవేశపెట్టిన ఐఫోన్ 15 సిరీస్‌లోని ప్రో మాక్స్‌లో మాత్రమే ఇవ్వబడింది. ఇప్పుడు ఐఫోన్ 16 ప్రో వేరియంట్‌లలో సెకనుకు 120 ఫ్రేమ్‌ల (ఎఫ్‌పిఎస్) వద్ద 4కె వీడియో రికార్డింగ్ చేయవచ్చని ఈ నివేదికలో చెప్పబడింది. అయితే ప్రో మోడల్స్‌లోని అన్ని కెమెరాలలో ఈ ఫీచర్ అందుబాటులో ఉంటుందా లేదా అనేది తెలియదు. Samsung Galaxy S24 Ultra, Samsung Galaxy Z Fold 6, Vivo X100 Ultra వంటి Android స్మార్ట్‌ఫోన్‌లు 120 FPS వద్ద 4K రికార్డింగ్‌ను కలిగి ఉన్నాయి. ఇటీవల టెక్ బ్లాగర్ ఎంక్వాన్ సోషల్ మీడియాలో ఒక వీడియో టీజర్‌ను పంచుకున్నారు.

Also Read: ఆగండి ఆగండి.. ఐఫోన్‌పై కళ్లుచెదిరే డిస్కౌంట్, వేలల్లో పొందొచ్చు!

ఇందులో ఐఫోన్ 16 ప్రో, ఐఫోన్ 16 ప్రో మ్యాక్స్‌లను కొత్త కాఫీ కలర్‌లో ప్రవేశపెట్టనున్న సంగతి తెలిసిందే. ఈ స్మార్ట్‌ఫోన్‌ల కెమెరా ఐస్‌ల్యాండ్ రెండు-టోన్ ఫినిష్‌ను కలిగి ఉండవచ్చు. అంతేకాకుండా కెమెరా చుట్టూ రౌండ్ సిల్వర్ రింగ్, బయటి ఫ్రేమ్‌లో బ్రౌన్ కలర్ రింగ్ ఉంటుంది. iPhone 16 Pro ఫోన్ 6.3 అంగుళాల స్క్రీన్‌ని పొందే అవకాశం ఉంది. ఈ స్మార్ట్‌ఫోన్ దాని ప్రాసెసర్‌గా A18 ప్రోని కలిగి ఉండవచ్చు. iPhone 16 Proలో 48-మెగాపిక్సెల్ అల్ట్రా-వైడ్ యాంగిల్ కెమెరా అందించబడుతుంది. ఇది కాకుండా టెక్‌బాయిలర్.. ఐఫోన్ 16 ప్రో మాక్స్‌కి సంబంధించిన డమ్మీ యూనిట్‌ను చూపించే వీడియోను యూట్యూబ్‌లో పోస్ట్ చేసింది.

ఇది డెసర్ట్ టైటానియం కలర్‌లో ఉంటుంది. ఇది iPhone 15 సిరీస్‌లోని ప్రో మోడల్‌ల మాదిరిగానే సైడ్ గ్రిల్స్‌పై క్రోమ్ ఫినిష్‌తో కూడిన మాట్టే ఆకృతి గల బ్యాక్ ప్యానెల్‌ను కలిగి ఉండవచ్చు. ఐఫోన్ 16 ప్రో మాక్స్ డమ్మీ యూనిట్ కూడా దాని డిజైన్‌ను సూచించింది. పవర్, వాల్యూమ్, యాక్షన్ బటన్‌లతో పాటు, కొత్త క్యాప్చర్ బటన్‌ను కూడా ఇందులో ఇవ్వవచ్చు. ఈ బటన్‌తో వినియోగదారులు కెమెరాను ఆన్ చేయడం లేదా వీడియో తీయడం వంటివి చేసుకోవచ్చు.

Share

• 
• 
• 
• 
• 
•