Faria Abdullah: జాతిరత్నాలు సినిమాతో టాలీవుడ్ కు పరిచయమైన బ్యూటీ ఫరియా అబ్దుల్లా. మొదటి సినిమాతోనే ఓవర్ నైట్ స్టార్ గా మారిన ఫరియ.. ఆ తరువాత అంతటి భారీ విజయాన్ని అందుకోవడానికి కష్టపడుతుంది. ఒకపక్క హీరోయిన్ గా నటిస్తూనే.. ఇంకోపక్క చిన్న చిన్నపాత్రలు చేస్తుంది. ఇక ఈ మధ్యనే కల్కి సినిమాలో ఒక చిన్న షాట్ లో కూడా కనిపించి మెప్పించింది.

చాలా గ్యాప్ తరువాత ఈ చిన్నది.. ఒక లక్కీ ఛాన్స్ పట్టేసింది. శ్రీసింహ హీరోగా నటించిన మత్తు వదలరా సినిమా ఏ రేంజ్ హిట్ అందుకుందో ప్రత్యేకంగా చెప్పాల్సిన అవసరం లేదు. రితేష్ రానా దర్శకత్వంలో తెరకెక్కిన ఈ సినిమాకు సీక్వెల్ రానున్న విషయం తెల్సిందే. మత్తు వదలరా 2 .. సెప్టెంబర్ 13 న రిలీజ్ కు రెడీ అవుతుంది.

ఇక ఈ చిత్రంలో ఫరియా.. నిధి అనే పాత్రలో నటిస్తుంది. ఇక రిలీజ్ డేట్ దగ్గరపడుతుండటంతో ప్రమోషన్స్ మొదలుపెట్టిన మేకర్స్.. సాధ్యమైనంత వరకు తమ సినిమాపై హైప్ తీసుకొచ్చేలా ప్రయత్నిస్తున్నారు. ఇందులో భాగంగానే ఈ సినిమా ప్రమోషనల్ సాంగ్ ను రిలీజ్ చేశారు.

డ్రామా నక్కో మామ అంటూ సాగే సాంగ్ ను రిలీజ్ చేశారు. ఈ సాంగ్ కు లిరిక్స్ అందించింది, సాంగ్ పాడింది ఫరియానే కావడం విశేషం. ఇక హిందీ లిరిక్స్ తో ఒక ర్యాపర్ గా ఫరియా పాడిన విధానం ఆకట్టుకుంటుంది. ఇక కాల భైరవ మ్యూజిక్ నెక్స్ట్ లెవెల్  అని చెప్పొచ్చు.

ఇక వీడియోలో శ్రీ సింహా, సత్య, సునీల్, వెన్నెల కిశోర్ డ్యాన్స్ తో ఆకట్టుకున్నారు. మొత్తానికి ప్రమోషనల్ సాంగ్ బాగానే హైప్ తీసుకొచ్చింది. ఈ సాంగ్ విన్నవారు.. ఫరియా లో ఇంత టాలెంట్ ఉందా అని ఆశ్చర్యపోతున్నారు. మరి ఈ సినిమా ఫరియాకు ఎలాంటి విజయాన్ని అందిస్తుందో చూడాలి.

Share

• 
• 
• 
• 
• 
•