Motorola Edge 50 Ultra 5G discount : Motorola కంపెనీ పలు స్మార్ట్ఫోన్లను లాంచ్ చేస్తూ దూసుకుపోతుంది. తరచూ రకరకాల మోడళ్లను దేశీయ మార్కెట్లోకి తీసుకొచ్చి ఫోన్ ప్రియులను ఆకట్టుకుంటోంది. ప్రీమియం స్మార్ట్ఫోన్లతో పాటు చౌక ధరలో కూడా కొత్త కొత్త ఫోన్లను లాంచ్ చేస్తూ ప్రత్యేక గుర్తింపు సంపాదించుకుంటుంది. అంతేకాకుండా తమ ఫోన్లపై ఆఫర్లు ప్రకటించి మరింతగా దూసుకుపోతుంది. తాజాగా కంపెనీ తన ప్రీమియం స్మార్ట్ఫోన్పై కళ్లు చెదిరే డిస్కౌంట్ను ప్రకటించింది. దాదాపు రూ.10000 వరకు తగ్గింపు పొందొవచ్చు. మరి ఏ మోడళ్ పై ఇంత భారీ తగ్గింపు ఉంది.. దీనిని ఎక్కడ కొనుక్కోవాలి.. దాని ఫీచర్లు ఏంటి అనే విషయాల గురించి పూర్తిగా తెలుసుకుందాం.
Motorola Edge 50 Ultra 5Gపై బంపర్ డిస్కౌంట్ ఆఫర్ వెల్లడైంది. మీరు ఈ స్మార్ట్ఫోన్ను రూ. 10,000 తగ్గింపుతో సరసమైన ధరలో కొనుగోలు చేసి మీ ఇంటికి తీసుకురావచ్చు. జూన్ 2024లో కంపెనీ Motorola Edge 50 Ultra 5G ఫోన్ను భారతదేశంలో విడుదల చేసింది. లాంచ్ సమయంలో కంపెనీ దీనిని రూ. 64,999 ధరకు విడుదల చేసింది. అయితే ఇప్పుడు మీరు ఈ ఫోన్ను రూ. 10,000 తగ్గింపుతో నేరుగా పొందుతున్నారు. ప్రముఖ ఇ-కామర్స్ సైట్ ఫ్లిప్కార్ట్లో Motorola Edge 50 Ultra 5G ఫోన్ 15% తగ్గింపును పొందుతోంది. ఈ తగ్గింపు తర్వాత ఈ ఫోన్ రూ. 54,999కి లభిస్తుంది.
Also Read: 6 GB ర్యామ్, 50MP కెమెరా గల వివో కొత్త ఫోన్ కేవలం రూ.10,500లకే.. ఊహించని ఫీచర్లు..!
ఈ ఫోన్ సింగిల్ వేరియంట్లో అమ్మకానికి అందుబాటులో ఉంది. మీరు 12GB RAM + 512GB స్టోరేజ్తో ఈ ఫోన్ను కొనుగోలు చేయవచ్చు. ఈ ఫోన్ ఫారెస్ట్ గ్రే, పీచ్ ఫజ్, నార్డిక్ వుడ్ వంటి 3 కలర్ ఆప్షన్లలో అందుబాటులో ఉంది. అయితే 15% తగ్గింపుతో పాటు యాక్సస్ బ్యాంక్ క్రెడిట్ కార్డ్ ట్రాన్షక్షన్పై రూ.5000 తగ్గింపు కూడా పొందవచ్చు. అంతేకాకుండా భారీ ఎక్స్ ఛేంజ్ ఆఫర్ కూడా ఉంది. ఏకంగా రూ.51,100 ఎక్స్ఛేంజ్ పొందొచ్చు. ఈ తగ్గింపు పూర్తిగా వర్తిస్తే మరింత తక్కువ దరకే దీనికి కొనుక్కోవచ్చు.
Motorola Edge 50 Ultra 5G Specifications
కంపెనీ ఈ ఫోన్లో 6.7-అంగుళాల డిస్ప్లేను అందించింది. ఇది 144Hz రిఫ్రెష్ రేట్కు మద్దతు ఇస్తుంది. ఈ ఫోన్ 2500 నిట్ల గరిష్ట బ్రైట్నెస్కు కూడా సపోర్ట్ చేస్తుంది. ఇక కెమెరా విషయానికొస్తే.. ఇందులో 50MP ప్రైమరీ కెమెరా, 64MP అల్ట్రావైడ్ కెమెరా, 50MP టెలిఫోటో కెమెరా ఉన్నాయి. సెల్ఫీ, వీడియో కాలింగ్ కోసం ఇది 50MP ఫ్రంట్ కెమెరాను కలిగి ఉంది. ఫోన్కు శక్తిని అందించడానికి ఈ ఫోన్లో 4500mAh బ్యాటరీ ఉంది. ఇది 125W ఫాస్ట్ ఛార్జింగ్కు మద్దతు ఇస్తుంది. ఈ Motorola ఫోన్ Snapdragon 8S Gen 3 ప్రాసెసర్తో అమర్చబడింది. రక్షణ కోసం కార్నింగ్ గొరిల్లా గ్లాస్ విక్టస్ ఉంది. ఇది దుమ్ము, నీటి నుండి రక్షణ కోసం IP68 రేటింగ్ను పొందింది.