Tecno Spark Go 1: స్మార్ట్ఫోన్ను కొనుక్కోవాలని అందరికీ ఉంటుంది. కానీ అధిక ధర కారణాంగా చాలా మంది సామాన్యులు తమ ప్లాన్ను మార్చుకుంటున్నారు. ఎప్పుడైనా తక్కువ ధరలో ఒక కొత్త ఫోన్ రిలీజ్ అయితే కొనుక్కుందాంలే అని అనుకుంటున్నారు. అలాంటి వారికి ఓ గుడ్ న్యూస్. అతి చౌక ధరలో ఒక కొత్త స్మార్ట్ఫోన్ను ఇప్పుడు కొనేయొచ్చు. అదెలాగో ఇప్పుడు తెలుసుకుందాం. ప్రముఖ టెక్ బ్రాండ్ Tecno తాజాగా Tecno Spark Go 1 పేరుతో ఒక కొత్త స్మార్ట్ఫోన్ను గ్లోబల్ మార్కెట్లో ప్రవేశపెట్టింది.
ఇప్పుడు ఈ ఫోన్ ఇండియాలో కూడా లాంచ్ అయింది. Tecno నుండి వచ్చిన ఈ ఫోన్ సరసమైన ధరలో ఆకర్షణీయమైన ఫీచర్లను అందిస్తుంది. ఈ ఫోన్ 6.67 అంగుళాల IPS LCD డిస్ప్లేను కలిగి ఉంది. ఇది 120Hz రిఫ్రెష్ రేట్కు మద్దతు ఇస్తుంది. ఈ ఫోన్లో 4 GB RAM ఉంది. దీనిని 8 GB వరకు విస్తరించవచ్చు. అలాగే ఈ కొత్త ఫోన్లో 13 మెగాపిక్సెల్ వెనుక ప్రధాన కెమెరా ఉంది. కంపెనీ ఇందులో 5000mAh బ్యాటరీని అందించింది. అయితే ఇప్పుడు ఈ ఫోన్ భారతదేశంలో ఏ ధరకు విడుదల చేయబడిందో తెలుసుకుందాం.
Tecno Spark Go 1 Specifications
Tecno Spark Go 1 స్మార్ట్ఫోన్ HD+ రిజల్యూషన్తో 6.67 అంగుళాల IPS LCD డిస్ప్లేను కలిగి ఉంది. ఇది 120Hz రిఫ్రెష్ రేట్కు మద్దతు ఇస్తుంది. ఆపిల్ ఐఫోన్ తరహాలో, కంపెనీ డిస్ప్లేలో డైనమిక్ పోర్ట్ను ఇచ్చింది. అనేక రకాల నోటిఫికేషన్లు, ఛార్జింగ్ స్టేటస్ తదితరాలను ఇందులో చూడవచ్చు. ఇది ప్రాసెసింగ్ కోసం Unisoc T615 చిప్సెట్ని కలిగి ఉంది. ఫోన్లో 4GB ఉంది. దీనిని 8GB వరకు విస్తరించవచ్చు. అదే సమయంలో ఇది 128GB వరకు ఆన్బోర్డ్ స్పేస్ని కలిగి ఉంటుంది.
Also Read: ఆపిల్ ఐఫోన్ 16.. ధర, ఫీచర్స్ తెలుసుకోవాలని అనుకుంటున్నారా?
ఫోన్ వెనుక భాగంలో 13 మెగాపిక్సెల్ ప్రధాన కెమెరా ఉంది. సెల్ఫీ కోసం, ఫోన్ ముందు భాగంలో 8 మెగాపిక్సెల్ కెమెరాను కలిగి ఉంది. ఈ మొబైల్ 15W ఫాస్ట్ ఛార్జింగ్ ఫీచర్తో 5000mAh బ్యాటరీతో వస్తుంది. ఇది ఛార్జింగ్ కోసం టైప్-సికి మద్దతు ఇస్తుంది. ఇది కాకుండా ఫోన్లో పవర్ బటన్పై ఉన్న సైడ్ మౌంటెడ్ ఫింగర్ ప్రింట్ స్కానర్ కూడా ఉంది. తడి, మృదువైన చేతులతో కూడా ఫోన్ను ఆపరేట్ చేయవచ్చని కంపెనీ పేర్కొంది. ఫోన్ దుమ్ము, నీరు స్ప్లాష్ల నుండి రక్షించడానికి IP54 రేటింగ్ ఇవ్వబడింది.
Tecno Spark Go 1 Price
Tecno Spark Go 1 స్మార్ట్ఫోన్ని కంపెనీ భారతదేశంలో రూ.7,299 ధరకి విడుదల చేసింది. ఈ ఫోన్ను కంపెనీ అధికారిక వెబ్సైట్తో పాటు, అమెజాన్ నుండి కూడా కొనుగోలు చేయవచ్చు. స్టార్ట్రైల్ బ్లాక్, లైమ్ గ్రీన్, గ్లిట్టరీ వైట్ కలర్స్లో ఈ ఫోన్ అందుబాటులోకి వచ్చింది. సెప్టెంబర్ 3 నుంచి ఈ ఫోన్ సేల్ ప్రారంభం కానుంది.