Actor Sampath Ram: కోలీవుడ్  నటుడు సంపత్ రామ్ రోడ్డు ప్రమాదానికి గురయ్యాడు. గతరాత్రి చెన్నై గిండి సమీపంలో సంపత్ రామ్ ప్రయాణిస్తున్న కారును వెనక నుంచి వస్తున్న లారీ ఢీకొట్టడంతో .. వెనుక కారు భాగం నుజ్జు నుజ్జు అయ్యింది. ఈ ప్రమాదంలో సంపత్ .. స్వల్ప గాయాలతో బయటపడ్డాడు. వెంటనే ఆయనను దగ్గరలోని ఆసుపత్రికి తరలించారు. ప్రాణాలకు ప్రమాదం లేదని వైద్యులు తెలిపారు.

ఇక సంపత్ రామ్.. తమిళ్ లోనే కాదు తెలుగులో కూడా సంపత్ సుపరిచితుడే. 1999 లో శంకర్ దర్శకత్వంలో తెరకెక్కిన ముల్తువన్ అనే సినిమాతో ఇండస్ట్రీకి పరిచయమయ్యాడు సంపత్ . ఈ సినిమా  తరువాత విలన్ గా , సపోర్టివ్ రోల్స్ లో అలరిస్తూ వస్తున్నాడు. ఇక తెలుగులో సలార్ లాంటి పాన్ ఇండియా సినిమాలో కూడా నటించాడు. ప్రభాస్ ను వెతికే వేద పాత్రలో ఆయన కనిపించాడు. ఈ సినిమా అతనికి మంచి పేరునే తీసుకొచ్చి పెట్టింది.

ఇక ఈ మధ్యనే రిలీజ్ అయిన  తంగలాన్ సినిమాలో సంపత్ రామ్ కీలక పాత్రలో నటించాడు. 75 కు పైగా తమిళ్ సినిమాల్లో నటించిన సంపత్ చేతిలో ప్రస్తుతం వరుస సినిమాలు ఉన్నాయి. ఈ నేపథ్యంలోనే  ఆయన కారు ప్రమాదానికి గురికావడం షాకింగ్ గా ఉందని పలువురు   కామెంట్స్ పెడుతున్నారు.

సంపత్ రామ్  త్వరగా కోలుకోవాలని ప్రముఖులు కోరుకుంటూ పోస్టులు పెడుతున్నారు. ప్రస్తుతం సంపత్ రామ్ ఆరోగ్యం నిలకడగానే ఉందని, కొద్దిరోజులు రెస్ట్ తీసుకోవాలని వైద్యులు  సూచించినట్లు తెలుస్తోంది. ఈ ప్రమాదంపై కేసు నమోదు చేసిన పోలీసులు విచారణ చేపట్టారు.

Share

• 
• 
• 
• 
• 
•