చరణ్ యాక్టింగ్కు భారతీయ సినీ ప్రేక్షకులే కాదు.. హాలీవుడ్ సెలబ్రిటీలు సైతం ఫిదా అయ్యారు. ఆర్ఆర్ఆర్ మూవీ చూసిన తర్వాత బ్రిటీష్ రాణులు సైతం చరణ్ను మెచ్చుకున్నారు. కాగా ప్రేక్షకాభిమానులను విపరీతంగా ఆకట్టుకున్న ఈ సినిమా ఆస్కార్ బరిలో నిలిచి అవార్డును సైతం అందుకుంది. ఈ సినిమాలోని నాటు నాటు సాంగ్ ఒరిజినల్ మ్యూజిక్ విభాగంలో ఆస్కార్ సొంతం చేసుకుని తెలుగు సినిమా కీర్తిని ప్రపంచానికి చాటి చెప్పింది. అలాగే ఈ సినిమాకి గానూ గోల్డెన్ గ్లోబ్ అవార్డులు, హాలీవుడ్ క్రిటిక్స్ ఛాయిస్ పురస్కారాలు లభించడంతో ప్రపంచం నలుమూలల యాక్టర్ల దృష్టి పడింది.
Also Read: ‘రాయన్’ థియేటర్లలో మిస్ అయ్యారా.. డోంట్ వర్రీ ఇప్పుడు ఓటీటీలోకి వచ్చేస్తుంది..
దీంతో ఆర్ఆర్ఆర్ నటులు రామ్ చరణ్, ఎన్టీఆర్లపై హాలీవుడ్ నటీ నటులు ప్రశంసలు కురిపించారు. ముఖ్యంగా చరణ్ నటనకు ప్రముఖ హాలీవుడ్ స్టార్ దర్శకుడు జేమ్స్ కామెరూన్ సైతం ఫిదా అయ్యాడు. ఈ మేరకు చరణ్పై ప్రశంసలు కురిపించాడు. అలాగే మరికొంత మంది హాలీవుడ్ స్టార్ యాక్టర్లు సైతం చరణ్ యాక్టింగ్ను ప్రశంసించారు. అలాగే ఎన్టీఆర్ నటనను సైతం మెచ్చుకున్నారు. ఇక ఇప్పుడు చరణ్ యాక్టింగ్ పై మరో ఫ్రెంచ్ స్టార్ నటుడు ప్రశంసలు కురిపించాడు.
ప్రముఖ ఫ్రెంచ్ యాక్టర్ లుకాస్ బ్రావో తనదైన శైలిలో ఆర్ఆర్ఆర్ లోని చరణ్ నటనను మెచ్చుకున్నారు. చరణ్ అత్యద్భుతంగా నటించాడని అన్నారు. ఎమిలీ ఇన్ పారిస్కు సంబంధించిన ప్రమోషన్స్లో లుకాస్ బ్రావో పాల్గొనగా.. అతడికి ఒక ప్రశ్న ఎదురైంది. ఇండియన్ సినిమాల్లో మీకు నచ్చిన నటుడు గురించి చెప్పమని అడిగినప్పుడు అతడు ఆర్ఆర్ఆర్ సినిమా గురించి చెప్పాడు. ఆర్ఆర్ఆర్ సినిమా చూశానని.. అందులో ప్రధాన పాత్ర పోషించిన రామ్ చరణ్ ఒక అద్భుతమైన నటుడు అని అన్నారు. చరణ్ చేసే యాక్షన్ ఫైట్స్, ఎమోషనల్ పెర్ఫార్మెన్స్ సూపర్గా ఉన్నాయని చెప్పుకొచ్చాడు. దీంతో అతడి కామెంట్స్ మెగా అభిమానుల్లో ఫుల్ జోష్ నింపాయి.