Vishwak sen:టాలీవుడ్ హీరో విశ్వక్ సేన్ బిజీ బిజీ అయిపోయాడు. ఓ వైపు సినిమాలు చేస్తూనే, మరోవైపు కొత్త ప్రాజెక్టులను తెరకెక్కిస్తున్నాడు. ఇందులో గురువారం ఈ హీరోకి సంబందించి కొత్త ప్రాజెక్టు పట్టాల కెక్కింది.
వీఎస్ 13 వర్కింగ్ టైటిల్తో తెరకెక్కుతోంది. విశ్వక్ సేన్ జోడిగా సంపద నటిస్తున్నట్లు తెలు స్తోంది. దీనికి సంబంధించి హైదరాబాద్లో పూజా కార్యక్రమాలు మొదలయ్యాయి.
నిర్మాత, డైరెక్టర్ తోపాటు కొంతమంది నటీనటులు హాజరయ్యారు. శ్రీధర్ గంట డైరెక్షన్లో తెరకెక్కుతున్న ఈ చిత్రానికి కాంతార మ్యూజిక్ డైరెక్టర్ అజనీస్ స్వరాలు అందించనున్నాడు.
యాక్షన్ డ్రామాగా తెరకెక్కుతున్న ఈ ఫిల్మ్లో విశ్వక్ సేన్ పోలీసు అధికారిగా కనిపించబోతున్నాడు. గతంలో యూనిట్ దీనికి సంబంధించి ఫస్ట్ లుక్ విడుదల చేసిన విషయం తెల్సిందే.
ఈ ప్రాజెక్టుకు సంబంధించిన డీటేల్స్ త్వరలో యూనిట్ వెల్లడించనుంది. ఈ ప్రాజెక్టు కాకుండా మరో రెండు సినిమాలతో బిజీగా ఉన్నాడు విష్వక్సేన్.
రవితేజ ముళ్లపూడి డైరెక్షన్లో మెకానిక్ రాకీ మూవీ నటిస్తున్నాడు. ఇందులో మాస్ లుక్లో కనిపిస్తున్నాడు. కామెడీ యాక్షన్ ఎంటర్ టైనర్ గా నిర్మిస్తున్న ఈ చిత్రంలో మీనాక్షి చౌదరి హీరోయిన్.
దీంతోపాటు లైలా అనే కొత్త మూవీ రెడీ అవుతోంది. ప్రస్తుతం ప్రొడక్షన్ పనులు శరవేగంగా జరుగు తున్నాయి. దీనికి రామ్ నారాయన్ డైరెక్టర్. వచ్చే ఏడాది ఫిబ్రవరి 14న విడుదల చేయనున్నారు.