Mondous Effect : మాండుస్ తుఫాను ప్రభావంతో ప్రకాశం జిల్లా దర్శి నియోజకవర్గం తడిసి ముద్దయింది. తాళ్లూరు, కురిచేడు, ముండ్లమూరు, దర్శి మండలాల్లోని.. పలు వాగులు,వంకలు పొంగిపొర్లుతున్నాయి. దీంతో తూర్పు వెంకటపురం, తోట వెంగన్నపాలెం, కొత్తపల్లి, రామచంద్రపురం,ముండ్లమురు మండల పరిధిలోని.. పలు గ్రామాల్లో రాకపోకలకు తీవ్ర అంతరాయం ఏర్పడింది. తుఫాన్ ప్రభావంతో పత్తి, మిరప, పొగాకు పంటలు దెబ్బతిన్నాయి.
తూర్పు వెంకటాపురం వద్ద వాగులో కారు చిక్కుకుపోయింది. దీంతో లోపల ప్రయాణీకులు తీవ్ర అవస్థలు పడ్డారు. వెంటనే స్పందించిన స్థానికులు ట్రాక్టర్ సాయంతో కారును బయటకు లాగి ప్రాణాలు కాపాడారు. వాగులపై బ్రిడ్జిలు ఏర్పాటు చేయకపోవడం వల్లే.. తమకు ఈ పరిస్థితి వచ్చిందని గ్రామస్తులు వాపోతున్నారు. వెంటనే బ్రిడ్జిలు ఏర్పాటు చేయాలని డిమాండ్ చేశారు.