VD12: రౌడీ హీరో విజయ్ దేవరకొండ ప్రస్తుతం వరుస సినిమాలతో బిజీగా ఉన్న విషయం తెలిసిందే. లైగర్ పరాజయం తర్వాత ఒక మంచి విజయం కోసం విజయ్ దేవరకొండ ఎంత కష్టపడుతున్నాడు అనేది ప్రత్యేకంగా చెప్పాల్సిన అవసరం లేదు. ఈ ఏడాది ఫ్యామిలీ స్టార్ అనే సినిమాతో విజయ్ ప్రేక్షకుల ముందుకు వచ్చాడు. కానీ, ఈ సినిమా కూడా ప్రేక్షకులను నిరాశపరిచింది. అయినా విజయ్ వెనక్కి తగ్గకుండా ఎలాగైనా హిట్ కొట్టాలని బాగా కష్టపడుతున్నాడు.
ప్రస్తుతం విజయ్ నటిస్తున్న తాజా చిత్రం వీడి 12. జెర్సీ ఫేమ్ గౌతం తిన్ననూరి దర్శకత్వంలో తెరకెక్కుతున్న ఈ సినిమాను సితార ఎంటర్టైన్మెంట్ బ్యానర్ పై సూర్యదేవరన్నగ వంశీ నిర్మిస్తున్నాడు. ఇక ఈ చిత్రంలో మొదట శ్రీలీల నటిస్తుంది అని చెప్పుకొచ్చినా.. ఆ తర్వాత ఆమె ప్లేస్ లో భాగ్యశ్రీ బోర్సే నటిస్తున్నట్లు వార్తలు వచ్చాయి. ఈ మధ్యనే వీడి12 నుంచి విజయ్ ఫస్ట్ లుక్ పోస్టర్ ను మేకర్స్ రిలీజ్ చేశారు.
ఇక ఈ పోస్టర్లో రౌడీ హీరో ఓ రేంజ్ లో కనిపించాడు. గుండుతో రక్తంతో తడిచిన దేహంతో ఎంతో సీరియస్ గా కనిపించాడు. ఇక ఈ సినిమాలో విజయ్ రౌడీ మరియు పోలీస్ గా కనిపించనున్నాడని టాక్ నడుస్తుంది. ఇక అందుతున్న సమాచారం ప్రకారం ఈ సినిమాకు మేకర్స్ ఒక పవర్ఫుల్ టైటిల్ ను ఫిక్స్ చేశారని వార్తలు వినిపిస్తున్నాయి.
వీడి 12 కు రుద్ర అనే పవర్ఫుల్ టైటిల్ ను ఖరారు చేసినట్లు టాక్ నడుస్తుంది. త్వరలోనే ఇంకో పోస్టర్ తో ఈ టైటిల్ ను మేకర్స్ రిలీజ్ చేయనున్నారట. రుద్ర టైటిల్ విజయ్ కు బాగా సెట్ అయిందని, దాన్నే కన్ఫర్మ్ చేయమని అభిమానులు కామెంట్స్ చేస్తున్నారు. మరి ఇందులో నిజం ఎంత అనేది తెలియాలంటే మేకర్స్ అధికారికంగా ప్రకటించేంతవరకు ఆగాల్సిందే.