Indraja Shankar: కోలీవుడ్ లేడీ కమెడియన్ ఇంద్రజ శంకర్ అభిమానులకు గుడ్ న్యూస్ చెప్పింది. తాను త్వరలోనే తల్లిని కాబోతున్నట్లు అధికారికారికంగా ప్రకటించింది. కోలీవుడ్ స్టార్ కమెడియన్ రోబో శంకర్ కుమార్తెగా ఇంద్రజ ఇండస్ట్రీకి పరిచయమైంది. విజయ్ నటించిన బిగిల్ సినిమా ఇంద్రజకు మంచి పేరు తీసుకొచ్చిపెట్టింది. ఈ సినిమాలో గుండమ్మ అనే పాత్రలో ఇంద్రజ నటన ప్రేక్షకులను విశేషంగా ఆకట్టుకుంది.
ఇక బిగిల్ తరువాత ఇంద్రజకు తెలుగులో కూడా మంచి అవకాశాలు అందించిపెట్టాయి. పాగల్ సినిమా ద్వారా ఇంద్రజ తెలుగులో కూడా మంచి గుర్తింపు తెచ్చుకుంది. ఇక ఈ ఏడాది మార్చిలో ఇంద్రజ పెళ్లిపీటలు ఎక్కింది. కార్తీక్ అనే దర్శకుడితో ఆమె పెళ్లి మార్చిలో ఘనంగా జరిగింది.
పెళ్లి తరువాత కొన్ని నెలలకే వీరిద్దరి మధ్య విభేదాలు వచ్చాయని, ఈ జంట విడిపోయారు అని కూడా వార్తలు వచ్చాయి. అయితే ఈ వార్తలో ఎలాంటి నిజం లేదని ఆమె ఎన్నోసార్లు క్లారిటీ ఇచ్చింది. ఇక తాజగా ఈ జంట తాము తల్లిదండ్రులు కాబోతున్నామని ప్రకటించారు.
“అవును.. మేము అమ్మనాన్న కాబోతున్నాం. పేరెంట్హుడ్లోకి ప్రవేశించడం ఒక ఆనందం. ఈ ప్రయాణంలో మమ్మల్ని మీ ప్రార్ధనలలో ఉంచుకోండి. ఇప్పుడు ఉద్వేగానికి లోనవుతున్నాను.. నా భావాలను చెప్పడానికి మాటలు రావడం లేదు. నాతో ఎల్లప్పుడూ ఉన్నందుకు ధన్యవాదాలు మామా.. లవ్ యూ మామా” అంటూ రాసుకొచ్చింది. ప్రస్తుతం ఈ పోస్ట్ నెట్టింట వైరల్ గా మారింది. ఇక ఈ పోస్ట్ చుసిన అభిమానులు ఇంద్రజ దంపతులకు శుభాకాంక్షలు తెలుపుతున్నారు.