Pawan Kalyan – Pushpa: ఆంధ్రప్రదేశ్ రాష్ట్ర డిప్యూటీ సీఎం పవన్ కళ్యాణ్ తాజాగా కర్ణాటక వెళ్లారు. ఈ మేరకు ఆ రాష్ట్ర సీఎం సిద్ధరామయ్యాతో భేటీ అయ్యారు. అడవుల రక్షణ, ఎర్రచందనం స్మగ్లింగ్ వంటి అంశాలపై చర్చించారు. అనంతరం కర్ణాటక రాష్ట్ర అటవీ శాఖ మంత్రితో పవన్ రివ్యూ మీటింగ్ నిర్వహించారు. ఈ రివ్యూ మీటింగ్‌ లో ఆంధ్రప్రదేశ్, కర్ణాటక సరిహద్దుల్లో ఉన్న అటవీ ప్రాంతంలో అటవీ పరిరక్షణ కోసం తీసుకోవలసిన కొన్ని అంశాలపై మాట్లాడారు.

ఈ సందర్భంగా బెంగళూరులోనే ఆయన మీడియాతో మాట్లాడారు. ఇందులో పవన్ కళ్యాణ్ సినిమా హీరోల గురించి చేసిన వ్యాఖ్యలు ప్రస్తుతం హాట్ టాపిక్‌గా మారాయి. ఇంతకీ పవన్ కళ్యాణ్ ఏమన్నారు అనే విషయానికొస్తే.. 40 ఏళ్ల క్రితం హీరో అడవులను కాపాడేవాడని.. కానీ ఇప్పుడు అడవులను నరికి స్మగ్లింగ్ చేస్తేనే హీరో అని అంటున్నారని అన్నారు. ఇది ప్రస్తుతం మన సినిమాల పరిస్థితి అని ఈ 40 ఏళ్లలో ఎక్కడి నుంచి ఎక్కడికి వచ్చాం అంటూ మాట్లాడారు.

Also Read: భన్వర్ సింగ్ షెకావత్ బర్త్ డే పోస్టర్ అదిరింది

అయితే ఇప్పుడు పవన్ కళ్యాణ్ వ్యాఖ్యలు సంచలనంగా మారాయి. అతడి వ్యాఖ్యలు సోషల్ మీడియాలో రచ్చ లేపుతున్నాయి. అల్లు అర్జున్ పుష్ప సినిమాను ఉద్దేశించే పవన్ ఈ వ్యాఖ్యలు చేశారని సోషల్ మీడియాలో కామెంట్లు వినిపిస్తున్నాయి. ఎందుకంటే ఈ మధ్య కాలంలో వచ్చిన సినిమల్లో ‘పుష్ప’ మూవీనే ఎర్రచందనం స్మగ్లింగ్ నేపథ్యంలో తెరకెక్కింది. ఆ సినిమాలో హీరో అల్లు అర్జున్ ‘పుష్ప రాజ్’ పాత్రలో ఎర్ర చందనం స్మగ్లింగ్ చేస్తుంటాడు. అందువల్లనే అల్లు అర్జున్‌ని టార్గెట్ చేసి పవన్ ఈ వ్యాఖ్యలు చేశారని బన్నీ ఫ్యాన్స్ సోషల్ మీడియా వేదికగా కామెంట్లు చేస్తున్నారు.

40 ఏళ్ల క్రితం హీరోలు అడవులను రక్షించేవారు అంటే అప్పట్లో ఎన్టీఆర్, కృష్ణంరాజు వంటి హీరోలు అడవుల పరిరక్షణ, ఎర్రచందనం స్మగ్లింగ్ నిర్మూలించడం వంటి నేపథ్యంలో సినిమాలు చేశారు. ఇప్పుడు పుష్ప మూవీ మాత్రం అందుకు భిన్నంగా ఉంటుంది. ఇందులో హీరోనే స్మగ్లింగ్ చేస్తుంటాడు. అందువల్ల ఇందులో పెద్దగా ఆలోచించాల్సిన విషయం ఏమీ లేదని.. పవన్ కళ్యాణ్ కచ్చితంగా బన్నీ గురించే అన్నారని సోషల్ మీడియాలో కామెంట్లు వినిపిస్తున్నాయి.

Share

• 
• 
• 
• 
• 
•