Jikki Song Released: రవితేజ నటిస్తున్న లేటెస్ట్ మోస్ట్ అవైటెడ్ ఫిల్మ్ ‘మిస్టర్ బచ్చన్’. హరీశ్ శంకర్ దర్శకత్వంలో తెరకెక్కుతోన్న ఈ సినిమాని టాలీవుడ్ అగ్ర నిర్మాణ సంస్థ పీపుల్ మీడియా ఫ్యాక్టరీపై టీజీ విశ్వప్రసాద్ భారీ బడ్జెట్తో నిర్మిస్తున్నాడు. ఇందులో భాగ్యశ్రీ బోర్సే హీరోయిన్గా నటిస్తుండగా.. జగపతి బాబు, సత్య, సచిన్ ఖేడేకర్, నెల్లూరు సుదర్శన్ వంటి వారు కీలక పాత్రలు పోషస్తున్నారు. ఇప్పటికే ఈ సినిమా నుంచి విడుదలైన పోస్టర్లు, గ్లింప్స్, సాంగ్స్ సినీ ప్రియుల్లో సరికొత్త ఉత్సాహాన్ని నింపాయి.
ముఖ్యంగా ఈ సాంగ్స్లో హీరోయిన్ భాగ్యశ్రీ బోర్సే తన అందంతో ఆడియన్స్ను కట్టిపడేసింది. నడుము ఒంపుసొంపులు చూపిస్తూ కుర్రకారును ఫిదా చేసింది. అంతేకాకుండా సాంగ్స్లో ఆమె ఎక్స్ప్రెసన్స్ అదిరిపోయాయనే చెప్పాలి. కాగా ఆమె టాలీవుడ్లో నటిస్తున్న తొలి సినిమా ఇదే కావడంతో అందరి చూపు ఆమెపైనే ఉన్నాయి. ఇదిలా ఉంటే ఈ సినిమా రీమేక్గా తెరకెక్కుతోంది. హిందీలో బ్లాక్ బస్టర్ హిట్ అయిన రైడ్ సినిమాకు రీమేక్గా ప్రేక్షకుల ముందుకు వస్తుంది.
Also Read: సితార్.. చార్ట్ బస్టర్ అయ్యేలా ఉందే
ఈ సినిమాలో రవితేజ ఇన్కం ట్యాక్స్ ఆఫీసర్గా కనిపించబోతున్నాడు. ఇందులో అతడు పవర్ ఫుల్ రోల్లో కనిపించనున్నాడు. ఇక ఇప్పటికే ఈ సినిమా నుంచి విడుదలై రెండు సాంగ్లకు ఆడియన్స్ నుంచి సూపర్ డూపర్ రెస్పాన్స్ వచ్చింది. ఇక ఇప్పుడు మేకర్స్ మరో అప్డేట్ అందించారు. తాజాగా ఈ సినిమా నుంచి మరో సాంగ్ను రిలీజ్ చేశారు. ‘జిక్కి’ అంటూ సాగే మూడో సాంగ్ను విడుదల చేశారు. అందులో రవితేజ, భాగ్యశ్రీ రొమాంటిక్ సన్నివేశాలు ఆడియన్స్ను ఆకట్టుకుంటున్నాయి.
ముఖ్యంగా భాగ్యశ్రీ తన అందాలతో అదరగొట్టేసింది. వారిద్దరి కెమిస్ట్రీ అందరిలోనూ క్యూరియాసిటీ రేపుతోంది. ఈ సాంగ్ కూడా ప్రస్తుతం యూట్యూబ్లో బాగా ట్రెండ్ అవుతోంది. మొత్తంగా ఈ సినిమా నుంచి విడుదలైన మూడు సాంగ్లకు అద్భుతమైన రెస్పాన్స్ వచ్చిందనే చెప్పాలి. మరి ‘మిరపకాయ్’ వంటి సినిమాతో రవితేజకు బ్లాక్ బస్టర్ అందించిన దర్శకుడు హరీష్ శంకర్.. ఇప్పుడు ‘మిస్టర్ బచ్చన్’తో ఎలాంటి మ్యాజిక్ చేస్తాడో చూడాలి. ఈ సినిమా పాన్ ఇండియా లెవెల్లో ఆగస్టు 15న గ్రాండ్గా రిలీజ్ కానుంది.