Raayan: కోలీవుడ్ స్టార్ హీరో ధనుష్ హీరోగా నటించి, దర్శకత్వం వహించిన చిత్రం రాయన్. సన్ పిక్చర్స్ నిర్మించిన ఈ సినిమాలో ఎస్.జే. సూర్య, ప్రకాష్ రాజ్, సందీప్ కిషన్, సెల్వ రాఘవన్, జయరామ్, దుషరా విజయన్, అపర్ణ బాలమురళీ, వరలక్ష్మి శరత్ కుమార్, శరవణన్ తదితరులు కీలక పాత్రల్లో నటించారు.

మొదటి నుంచి ఈ సినిమాపై అభిమానులు భారీ అంచనాలను పెట్టుకున్నారు. తెలుగు, తమిళ్ లో రాయన్ జూలై 26 న రిలీజ్ అయ్యింది. ఇక మొదటి రెండు రోజులు మిక్స్డ్ టాక్ అందుకున్న రాయన్.. ఉన్నాకొద్దీ వేగం పెంచేసేంది. తెలుగువారు మిక్స్డ్ టాక్ చెప్పినా.. తమిళ్ లో మాత్రం ధనుష్ నటనకు ఫ్యాన్స్ ఫిదా అవుతున్నారు.

ఇక తెలుగులో మాత్రం ధనుష్ నటన ఏమో కానీ, కథ కామన్ గా ఉందని, ఇలాంటి సినిమాలు చలాకి చూశామని చెప్పుకొచ్చారు. ఎంత ఇక్కడ మిక్స్డ్ టాక్ తెచ్చుకున్నా.. అక్కడ హిట్ టాక్ తెచ్చుకున్నా రాయన్ మాత్రం కలక్షన్స్ లో రికార్డులు కొల్లగొడుతుంది. ఈ సినిమా నాలుగురోజుల్లో వరల్డ్ వైడ్ గా రూ.87 కోట్ల రూపాయల వసూళ్లను రాబట్టి షాక్ ఇచ్చింది.

నాలుగు రోజుల్లోనే ఇంత రాబడితే.. కచ్చితం ఈ వీకెండ్ లోపో వంద కోట్లు అందుకోవడం ఖాయమని తెలుస్తోంది. త్వరలోనే వంద కోట్ల క్లబ్ లో రాయన్ చేరుతుంది అని చెప్పడంలో ఎటువంటి అతిశయోక్తి లేదు. ఇక తెలుగులో రాయన్ సినిమాకు సూపర్ స్టార్ మహేష్ సైతం మంచి రివ్యూ ఇవ్వడంతో మరింత హైప్ తెచ్చుకుంది. మరి ముందు ముందు ఈ సినిమా ఎన్ని రికార్డులు కొల్లగొడుతుందో చూడాలి.

Share

• 
• 
• 
• 
• 
•