Happy Birthday Real Hero Sonu Sood: సోనూసూద్..ప్రస్తుతం ఈ పేరు తెలియని వారంటూ ఎవరూ ఉండరంటే అతిశయోక్తి లేదు. ఇండస్ట్రీలో విలన్ పాత్రలకు కేరాఫ్ అడ్రస్. అయితే నిజ జీవితంలో మాత్రం అతనో రియల్ హీరో. కరోనా లాక్ డౌన్ సమయంలో ఎక్కువగా వినిపించిన పేరు సోనూసూద్. ఆ సమయంలో ఎంతోమంది నిరుపేదలకు, అవసరం ఉన్న వారికి సహాయం చేస్తూ దేశ వ్యాప్తంగా పాపులర్ అయ్యాడు. మొదట సౌత్ ఇండియా సినీ పరిశ్రమలో నటుడిగా ఎంట్రీ ఇచ్చిన ఆయన..బాలీవుడ్ లో ఎంట్రీ ఇచ్చి గుర్తింపు పొందాడు. ఇంత మంచి మనసున్న మనిషిగా గుర్తింపు తెచ్చుకున్న సోనూ.. జూలై 30న పుట్టిన రోజు సందర్భంగా పలు ఆసక్తికర విషయాలు తెలుసుకుందాం.
తెలుగుతో పాటు హిందీ సినిమాలు ఎప్పటినుంచో చేస్తున్నా..అరుంధతి సినిమాతో తనకంటూ ప్రత్యేకమైన గుర్తింపు తెచ్చుకున్నాడు. ఈ సినిమా అనుష్కకి ఎంత పేరు వచ్చిందో..సోనూసూద్ కి అంతకంటే ఎక్కువ పాపులారిటీ వచ్చిందని చెప్పవచ్చు. ఇలా ఆయనకు ఏ ప్రాత చేసినా అందులో పరకాయ ప్రవేశం చేసి ప్రేక్షకులను అలరిస్తుంటాడు.
సోనూసూద్ తెలుగులో అతడు సినిమాలో విలన్ పాత్రతో పాటు నమ్మకమైన మిత్రుడిగా పాత్రల్లో కనిపిస్తాడు. ఇలా రెండు రకాల ఎమోషన్స్ ఓకే సినిమాలో కనిపించి ఆకట్టుకున్నాడు. తర్వాత కామెడీ పరంగా కూడా ఆకట్టుకున్నాడు. దూకుడు, ఆగడు సినిమాల్లో విలన్ అయినా కామెడీ కూడా చేశాడు. అయితూ వీటికంటే ముందే సోనూ..1999 తమిళ సినిమా కల్లజగర్, నేంజీనిలే సినిమాలతో ఎంట్రీ ఇచ్చాడు. తెలుగు విషయానికొస్తే..2000లో నాగబాబు హీరోగా చేసిన హాండ్సప్ సినిమాలో విలన్ గా ఎంట్రీ ఇచ్చాడు. తర్వాత 2005లో సూపర్ సినిమాలో నాగార్జున కాంబినేషన్ లో కనిపించాడు.
Also Read: ఆర్తీ అగర్వాల్ కెరీర్ ను నాశనం చేసింది అతడే.. టార్చర్ పెట్టి..
సోనూసూద్ సినిమాల పరంగానే కాదు..పర్సనల్ లైఫ్ కూడా తెలుగు తో కనెక్షన్ ఉంది. ఆయన భార్య సోనాలి..తెలుగు అమ్మాయి కావడం విశేషం. సోనాలి పుట్టి పెరిగింది ముంబైలో అయినా గోదావరి టచ్ ఉందంట. ఆమె కూడా ప్రస్తుతం ప్రొడ్యూసర్ గా రాణిస్తుంది. వీరిద్దరూ 1996లో ప్రేమ వివాహం చేసుకున్నారు. అయితే ప్రయాణ ఔత్సాహికుల కోసం 2022లో ఎక్స్ ప్లర్గర్ అనే తన సొంత సోషల్ మీడియా యాప్ను సోనూ సూద్ ప్రారంభించాడు. ఆయన యాప్ నినాదం ‘యహన్ నహీ తో సోషల్ నహీ’. ఈ కంపెనీ డైరెక్టర్లలో ఆయన భార్య సోనాలి కూడా ఒకరు.