Waltair Veerayya Release date :మాస్ మూల విరాట్గా మెగాస్టార్ చిరంజీవి చూడబోతున్నారంటూ ఆయన 154వ సినిమా ‘వాల్తేరు వీరయ్య’ చిత్రాన్ని అనౌన్స్ చేసినప్పుడే ప్రకటించారు. మాస్ ఇమేజ్కి కేరాఫ్గా ఉంటూ వచ్చిన తమ అభిమాన కథానాయకుడు చిరంజీవిని సరికొత్త లుక్లో చూడటానికి మెగా ఫ్యాన్స్లో ఆతృత పెరిగింది. అప్పటి నుంచి సినిమా కోసం ఎదురు చూసిన అభిమానులకు వచ్చే ఏడాది సంక్రాంతికి రిలీజ్ చేస్తామని కొన్నాళ్లు ముందు ప్రకటించారు.సంక్రాంతికి సమయం దగ్గర పడుతున్న కొద్ది.. ‘వాల్తేరు వీరయ్య’ రిలీజ్ డేట్ కోసం ఫ్యాన్స్ ఆసక్తిగా ఎదురు చూడసాగారు. ఎట్టకేలకు మైత్రీ మూవీ మేకర్స్ సంస్థ సినిమా రిలీజ్ డేట్ను అనౌన్స్ చేసింది.
సంక్రాంతి సందర్భంగా జనవరి 13న ‘వాల్తేరు వీరయ్య’ చిత్రాన్ని రిలీజ్ చేస్తున్నట్లు మైత్రీ మూవీ మేకర్స్ సంస్థ నిర్మాతలు నవీన్ ఎర్నేని, యలమంచిలి రవిశంకర్ అండ్ టీమ్ ప్రకటించింది. డైరెక్ట్ బాబీ ఈ చిత్రాన్ని పక్కా మాస్ అండ్ కమర్షియల్ ఎంటర్టైనర్గా రూపొందిస్తున్నారు. సినిమా ఫైనల్ స్టేజ్ షూటింగ్ను జరుపుకుంటోంది. చిరంజీవి సోదరుడి పాత్రలో మాస్ మహారాజా రవితేజ నటిస్తున్నారు. శ్రుతీ హాసన్ హీరోయిన్గా నటిస్తుంది. ఇప్పటికే సంక్రాంతి బరిలోకి నందమూరి బాలకృష్ణ నటిస్తోన్న ‘వీర సింహా రెడ్డి’ చిత్రంతో పాటు దళపతి విజయ్ సినిమా వారసుడు.. అజిత్ సినిమా తునివు సినిమాలున్నాయి. నాలుగు చిత్రాల్లో వాల్తేరు వీరయ్య, వీర సింహా రెడ్డి సినిమాలపై ఎక్స్పెక్టేషన్స్ అధికంగా ఉన్నాయి.