Mr Bachchan: మాస్ మహారాజ రవితేజ, భాగ్యశ్రీ బోర్సే జంటగా హరీష్ శంకర్ దర్శకత్వంలో తెరకెక్కుతున్న చిత్రం మిస్టర్ బచ్చన్. పీపుల్ మీడియా ఫ్యాక్టరీ పతాకంపై టీజీ విశ్వప్రసాద్ మరియు వివేక్ కూచిభొట్ల నిర్మిస్తున్నారు. సీనియర్ నటుడు జగపతి బాబు కీలక పాత్రలో నటిస్తున్న ఈ సినిమా ఆగస్ట్ 15 న రిలీజ్ కానుంది.

ఇప్పటికే ఈ సినిమా నుంచి రిలీజైన పోస్టర్స్, షో రీల్ ప్రేక్షకులను విశేషంగా ఆకట్టుకున్నాయి. ఇక మొదటి సాంగ్ సైతం చార్ట్ బస్టర్ గా నిలిచింది. ఇక రిలీజ్ డేట్ దగ్గరపడుతుండటంతో ప్రమోషన్స్ మొదలుపెట్టిన మేకర్స్ వరుసగా సాంగ్స్ రిలీజ్ చేస్తూ సినిమాపై హైప్ ఎక్కిస్తున్నారు. తాజాగా ఈ సినిమా నుంచి రెండో లిరికల్ సాంగ్ ను మేకర్స్ రిలీజ్ చేశారు.

రెప్పల్ డప్పుల్ అంటూ సాగే సాంగ్ ఆద్యంతం ఆకట్టుకుంటుంది. మిక్కీ జే మేయర్ సంగీతం ఎంతో ఫ్రెష్ గా అనిపిస్తుంది. కాసర్ల శ్యామ్ లిరిక్స్ ఎంతో క్యాచీగా అనిపిస్తున్నాయి. ఇక అనురాగ్ కులకర్ణి, మంగ్లీ తమ హస్కీ వాయిస్ తో మెస్మరైజ్ చేశారు. సినిమా అంతా ఒక ఎత్తు అయితే రవితేజ, భాగ్యశ్రీ స్టెప్స్ నెక్స్ట్ లెవెల్ అని చెప్పాలి.

థియేటర్ల లో ఆడియెన్స్ కి మంచి కిక్ ఇచ్చే సాంగ్ అని చెప్పడంలో ఎటువంటి అతిశయోక్తి లేదు. ఈ సాంగ్ కు థియేటర్ లో ఫ్యాన్స్ కు పూనకాలే అని నెటిజన్స్ కామెంట్స్ పెడుతున్నారు. మరి ఈ సినిమాతో రవితేజ ఎలాంటి విజయాన్ని అందుకుంటాడో చూడాలి.

Share

• 
• 
• 
• 
• 
•