Tamarind Benefits : చింతకాయలు.. వీటిని చూస్తేనే నోరూరిపోతుంది. పచ్చివి కూడా లాగించేస్తుంటారు. పులుసు కూరలు చేసుకుని తింటూ వాటి రుచిని ఆస్వాదిస్తారు. అంతేకాదు పచ్చి చింతకాయల పచ్చడి రుచి కూడా అద్భుతంగా ఉంటుంది. అయితే చింత పండు లేదా కాయ రెండూ అద్భుత ఔషధ గుణాలను కలిగి ఉంటాయి. చింతపండు జీర్ణ సమస్యలను తగ్గిస్తుంది. ముఖ్యంగా మలబద్దకంతో బాధపడేవారు రాత్రి పూట చింత పండు తింటే మరుసటి రోజు ఉదయాన్నే సుఖ విరేచనం కలుగుతుంది. అంతేకాకుండా మన జీర్ణాశయంలో ఉండే అల్సర్లు మాయమవుతాయి. వాపులు కూడా తగ్గుతాయి. చింతపండులో హైడ్రాక్సీ సిట్రిక్ యాసిడ్ ఎక్కువగా ఉంటుంది. ఇది శరీరంలో కొవ్వును నిల్వ ఉండనివ్వదు. అందుకే అధిక బరువు కూడా తగ్గుతారు. చింతపండులోని విటమిన్ సి మన రోగ నిరోధక శక్తిని పెంచుతుంది. అలాగే శరీరంలో ఉండే హానికారక ఫ్రీ ర్యాడికల్స్ను కూడా నాశనం చేస్తుంది. దీంతో క్యాన్సర్లు మన దరిచేరవు. ఫంగల్ ఇన్ఫెక్షన్ ఉన్నవారు బాధపడేవారు చింతపండును నిత్యం ఆహారంలో భాగం చేసుకోవాలి. చింతపండులోని యాంటీ మైక్రోబియల్, యాంటీ సెప్టిక్ లక్షణాలు ఫంగల్ ఇన్ఫెక్షన్లను నయం చేస్తాయి. పేగుల్లో పురుగులు కూడా నాశనం అవుతాయి. చిన్నారుల్లో ఈ తరహా సమస్య ఎక్కువగా కనిపిస్తుంది. వారికి చింతపండు ఇస్తే చాలా మంచిది. కండరాలు, నాడుల పనితీరు బాగా ఉండాలంటే బి విటమిన్ థయామిన్ అవసరం. అది చింతపండులో సంవృద్ధిగా ఉంటుంది.