మార్నింగ్ స్టార్, శ్రీకృష్ణ ట్రావెల్స్ కు చెందిన రెండు బస్సులు బెంగళూరు నుంచి విజయవాడకు బయలుదేరాయి. రాత్రి చిత్తూరు జిల్లా బంగారుపాళ్యం మండలంలోని మహాసముద్రం టోల్ గేట్ దగ్గరకు రెండు బస్సులు ఒకేసారి రావడంతో ఓ బస్సు అద్దం మరో బస్సుకు తగిలింది. ఈ కారణంగా రెండు బస్సుల డ్రైవర్లు వాగ్వాదానికి దిగారు. ఇద్దరి మధ్య ఘర్షణ చోటుచేసుకుందిత.

ఈ క్రమంలో శ్రీకృష్ణ ట్రావెల్స్ బస్సు ఎదురుగా వెళ్లగా.. మార్నింగ్ స్టార్ బస్ డ్రైవర్ సుధాకర్ రాజు అడ్డుకునేందుకు ప్రయత్నించాడు. అయితే ఆగ్రహంతో శ్రీకృష్ణ ట్రావెల్స్ బస్సు డ్రైవర్ శ్రీనివాసరావు.. సుధాకర్ రాజుపైకి బస్సును ఎక్కించి హతమార్చాడు. బస్సుతో సుధాకర్ రాజును ఢీకొట్టడమే కాకుండా మృతదేహాన్ని కిలో మీటర్ దూరం వరకు ఈడ్చుకు వెళ్లాడు. దీంతో మృతదేహం చిద్రమైంది.