Bigg Boss Season 8 Telugu Released: బిగ్ బాస్ షోకు జనాల్లో ఉన్న పాపులారిటీ గురించి ప్రత్యేకంగా చెప్పనక్కర్లేదు. ఓవైపు ఈ షోపై విమర్శలు వస్తున్నా మరోవైపు ఆడియన్స్ మాత్రం తగ్గడంలేదు. తెలుగుతోపాటు తమిళం, మలయాళం, హిందీ భాషలలో కూడా ఈ షోకు భారీగా రెస్పాన్స్ వస్తోంది. కాగా, తెలుగులో మాత్రం ఫస్ట్ సీజన్ భారీగా హిట్టయ్యింది. తొలి సీజన్కు యంగ్ టైగర్ ఎన్టీఆర్ హోస్టింగ్ చేయగా, ఆ తరువాత న్యేచురల్ స్టార్ నాని హోస్టింగ్ చేశారు. అయితే, మూడో సీజన్ నుంచి బిగ్ బాస్ షోకు హీరో నాగార్జున హోస్టింగ్ చేస్తున్న విషయం తెలిసిందే. ఇప్పటివరకు ఉన్న బిగ్ బాస్ షో రూల్స్, హోస్టింగ్ ప్రాసెస్ మొత్తాన్ని సీజన్ 7 నుంచి మార్చేశారు. ముఖ్యంగా సీజన్ 7లో హోస్టింగ్ అదరగొట్టేశాడంటూ ఆడియన్స్ పొగడ్తలతో ముంచెత్తారు. సీజన్ 7 సూపర్ హిట్ కావడంతో ప్రస్తుతం సీజన్ 8 కోసం ప్రేక్షకులు ఎంతో ఆసక్తిగా ఎదురుచూస్తున్నారు. సీజన్ 8 ప్రారంభం కాబోతుంది, కంటెస్టెంట్ లిస్ట్ అంటూ సోషల్ మీడియాలో చర్చ నడుస్తున్న క్రమంలో తాజాగా బిగ్ బాస్ సీజన్ 8 గురించి అప్డేట్ ఇచ్చేశారు. వెరైటీ ప్రమోషన్లతో హడావుడిని అప్పుడే ప్రారంభించారు.
Also Released: ఆస్పత్రి నుంచి హీరోయిన్ జాన్వీకపూర్ డిశ్చార్జ్
బిగ్ బాస్ సీజన్ 8 కు సంబంధించి కొత్త లోగోను రివీల్ చేస్తూ అసలు ప్రోమోను హీరో నాగార్జున రిలీజ్ చేశాడు. అయితే, ఈ షో ఎప్పట్నుంచి ప్రారంభమవ్వనున్నది అనేది మాత్రం చెప్పలేదు. ఎంటర్ టైన్మెంట్ తీసుకువచ్చేందుకు మేము సిద్ధంగా ఉన్నాం.. అంతులేని వినోదాన్ని ఆనందించేందుకు మీరు రెడీగా ఉన్నారా? అంటూ కొత్త లోగోను నాగార్జున షేర్ చేశాడు. ఈ కొత్త లోగో కలర్ ఫుల్గా ఉండి ఎంతగానో ఆకట్టుకుంటుంది. నెట్టింట తెగ వైరల్ అవుతోంది.
ఇదిలా ఉంటే.. ఈ షోకు సంబంధించి కంటెస్టెంట్ లిస్ట్ గురించి నెట్టింట అనేక వార్తలు వినిపిస్తున్న విషయం విధితమే. ఈసారి కూడా షోలో ఎక్కువమంది బుల్లితెర సీరియల్స్, యాంకర్సే ఉండనున్నారని అనుకుంటున్నారు. వీరితోపాటు సోషల్ మీడియాలో ఫేమస్ అయినవారిని, యూట్యూబర్స్ను కూడా తీసుకువస్తున్నారంటా. ఆగస్టు ఎండింగ్ లేదా సెప్టెంబర్ ఫస్ట్ వీక్లో బిగ్ బాస్ షో స్టార్ట్ చేయనున్నారని సమాచారం.
We are bringing entertainment back with a BANG !!!!💥
Presenting the logo for the epic Season 8 of Bigg Boss!
Are you ready for an Infinity of fun and entertainment?! #BiggBossTelugu8 @StarMaa @DisneyPlusHSTel pic.twitter.com/9Du8wdsa0Q
— Nagarjuna Akkineni (@iamnagarjuna) July 21, 2024