Saripodhaa Sanivaaram: నేచురల్ స్టార్ నాని కొత్త దర్శకులను పరిచయం చేయడంలో ముందుంటాడు. ఒకే ఒక్క అవకాశం కోసం చూస్తున్న దర్శకులకు ఛాన్స్ ఇచ్చి బ్లాక్ బస్టర్ హిట్లు కొడుతున్నాడు. ఇక కొత్త దర్శకులు కూడా నాని నమ్మకాన్ని వమ్ము చేయకుండా తెలుగు ప్రేక్షకుల మైండ్సెట్కు అనుగుణంగా డిఫరెంట్ కాన్సెప్టులతో సినిమాలు తెరకెక్కించి మంచి గుర్తింపు సంపాదించుకుంటున్నారు.
గతేడాది ఏకంగా ఇద్దరు కొత్త దర్శకులకు అవకాశం ఇచ్చి బ్లాక్ బస్టర్ హిట్లు సాధించాడు. అందులో ఒకటి ‘దసరా’ మూవీ. కొత్త దర్శకుడు శ్రీకాంత్ ఓదెల తెరకెక్కించిన ఈ సినిమా సినీ ప్రేక్షకాభిమానుల్ని కట్టిపడేసింది. భారీ అంచనాలతో తెరకెక్కి కలెక్షన్ల వర్షం కురిపించింది. నాని కెరీర్లో అత్యధిక వసూళ్ళు సాధించిన సినిమాగా దసరా నిలిచింది. ఏకంగా రూ.100 కోట్లకు పైగా వసూళ్లు రాబట్టి అదరగొట్టేసింది. దీంతో అటు నాని పేరు.. ఇటు దర్శకుడి పేరు మారుమోగిపోయింది.
Also Read: ఎంత ‘ఉల్లాసం’గా ఉంది ఈ పాట.. నాని మెలోడీస్ లిస్ట్ లో మరొకటి
ఆ తర్వాత మరో కొత్త దర్శకుడు శౌర్యువ్కి ఛాన్స్ ఇచ్చాడు. అతడు కూడా నాని నమ్మకాన్ని నిలబెట్టి సినిమాను హిట్ దిశగా నడిపించాడు. తండ్రి, కూతుళ్ల సెంటిమెంట్తో తెరకెక్కిన ఈ సినిమా విమర్శకుల నుంచి ప్రశంసలు అందుకుంది. మంచి అంచనాల నడుమ రిలీజ్ అయిన ఈ సినిమా కూడా బాక్సాఫీసు వద్ద అదిరిపోయే కలెక్షన్లను నమోదు చేసింది. ఇందులో నాని సరసన మృణాల్ ఠాకూర్ హీరోయిన్గా నటించి అదరగొట్టేసింది.
అయితే ఇప్పుడు నాని మరోక కొత్త సినిమాతో వస్తున్నాడు. గతంలో నాని – వివేక్ ఆత్రేయ కాంబోలో ‘అంటే సుందరానికి’ అనే సినిమా వచ్చింది. ఈ సినిమా బాక్సాఫీసు వద్ద ఫ్లాప్ టాక్ అందుకుంది. కానీ నాని దిగులు పడకుండా మరోసారి ఆ దర్శకుడికే అవకాశం ఇచ్చాడు. ప్రస్తుతం నాని – వివేక్ ఆత్రేయ కాంబోలో ‘సరిపోదా శనివారం’ సినిమా తెరకెక్కుతోంది. తాజాగా ఈ సినిమా నుంచి మేకర్స్ అదిరిపోయే అప్డేట్ అందించారు. ఇవాళ నటుడు ఎస్ జే సూర్య బర్త్ డే సందర్భంగా ‘నాట్ ఏ టీజర్’ అంటూ ఓ వీడియోను రిలీజ్ చేశారు. ఇందులో నాని, ఎస్ జే సూర్య యాక్టింగ్ అదరగొట్టేశారు. ప్రస్తుతం ఈ వీడియో నెట్టింట వైరల్ అవుతోంది. మరెందుకు ఆలస్యం మీరు కూడా చూసి ఎంజాయ్ చేయండి.