Viral Video: ప్రపంచంలోని వింతల గురించి తెలుసుకోవాలంటే ఆ ప్రాంతాలకు వెళ్లాల్సిన అవసరం లేకుండా పోయింది. సోషల్ మీడియా అందుబాటులోకి వచ్చినప్పటి నుంచి ప్రపంచంలోని నలుమూలల గురించి క్షణాల్లో తెలిసిపోతుంది. అంతెందుకు అడవుల్లో నివసించే జంతువుల గురించి తెలుసుకోవచ్చు. సఫారీలు, అడవుల్లో ఉండే ఆఫీసర్లు జంతువులకు సంబంధించిన వీడియోలను తరచూ సోషల్ మీడియాలో వైరల్ చేస్తుంటారు. అయితే సాధారణంగా అడవుల్లోని వన్యప్రాణుల గురించి తెలుసుకోవడం ఎంత ఆసక్తి ఉంటుందో వాటిని ప్రత్యక్షంగా చూసినా కూడా అంతే ఆశ్చర్యం, అనుభూతి కలుగుతుంది.
ముఖ్యంగా ఏనుగులు అంటే ఇష్టం ఉండని వారు ఎవరు ఉండరు. ఏనుగులు కనిపిస్తే చాలు ఎంతో ఆనందంగా, ఆసక్తిగా చూస్తుంటారు. అయితే ఏనుగులు చాలా బరువుతో ఉంటాయి. వాటి ఆకారం చూస్తేనే చాలా ఎక్కువగా ఉంటుంది. అందువల్ల అవి భూమి మీద నడవడం మాత్రమే చూసి ఉంటాం. లేదంటే వాటిని మోయాలంటే పెద్ద లారీలే కావాల్సి ఉంటుంది. అలాంటిది ఓ చిన్న ఆటోలో ఏనుగు కనిపిస్తే ఎవరైనా ఆశ్చర్యపోతారు. తాజాగా రెండు ఏనుగులు ఓ చిన్న ఆటోలో వెళ్తున్న వీడియో సోషల్ మీడియాలో వైరల్ అవుతోంది. ఐఏఎస్ అధికారిణి సుప్రియా సాహు ఈ వీడియోను నెట్టింట షేర్ చేశారు.
ఆటో ట్రాలీతో అటాచ్ చేసిన ఓ చక్రాల బండిపై ఏనుగు ప్రయాణించింది. అయితే ఇవి నిజమైన ఏనుగులు కాదు. రోబోటిక్ ఏనుగులు కానీ వీటిని చూస్తే మాత్రం నిజమైన ఏనుగుల మాదిరిగానే అనిపిస్తుంది. ఏనుగుల చర్మం, దంతాలు, ఆకృతిని గమనిస్తే నిజమైన ఏనుగు మాదిరిగానే తయారు చేశారు. దీనిని మొదటి సారి చూసిన వారు ఎవరైనా నిజమైన ఏనుగు అనే అనుకుంటారు. దీనికి సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.
It took me a while to realise 😊 pic.twitter.com/hGeLyEWiM0
— Supriya Sahu IAS (@supriyasahuias) July 18, 2024