Richa Chadha: బాలీవుడ్ హీరోయిన్ రిచా చద్దా అభిమానులకు గుడ్ న్యూస్ తెలిపింది. ఆమె మంగళవారం పండంటి ఆడబిడ్డకు జన్మనిచ్చినట్లు తెలిపింది. నటుడు అలీ ఫజల్ మరియు రిచా చద్దా 2020 కరోనా లాక్ డౌన్ సమయంలో వివాహం చేసుకున్నారు. వీరిద్దరూ ప్రేమించి పెళ్లి చేసుకున్నారు.
ఈ ఏడాది ఫిబ్రవరిలో రిచా, అలీ తాము త్వరలోనే తల్లిదండ్రులు కాబోతున్నట్లు తెలిపారు. ఈ మధ్యనే రిచా బేబీ బంప్ ఫొటోస్ ను షేర్ చేస్తూ.. బిడ్డ కోసం వేచి ఉండలేకపోతున్నామని రాసుకొచ్చింది.ఇక జూలై 16 న ఈ జంట ఇంట మహాలక్ష్మీ పుట్టింది. ఈ విషయాన్నీ తెలుపుతూ ఈ జంట ఎమోషనల్ అయ్యారు.
“16.07.24న ఆరోగ్యకరమైన ఆడ శిశువు రాకను ప్రకటించినందుకు మేము ఎంతో ఆనందిస్తున్నాం. మా కుటుంబాలు చాలా సంతోషంగా ఉన్నాయి. మా శ్రేయోభిలాషులకు వారి ప్రేమ మరియు ఆశీర్వాదాలకు ధన్యవాదాలు.. ప్రేమతో రిచా చద్దా మరియు అలీ ఫజల్” అంటూ రాసుకొచ్చారు. ఇందుకు సంబంధించిన ఫోటోలు నెట్టింట వైరల్ గా మారాయి.
ఇకపోతే రిచా చద్దా 2013లో “ఫుక్రే” సినిమాలో మొదటిసారి కలిసి పనిచేశారు. అప్పటినుంచే వీరిమధ్య ప్రేమాయణం మొదలయ్యింది. 2016లో తమ సంబంధాన్ని అధికారికంగా ప్రకటించారు. అలీ ఫజల్.. ఎక్కువ మీర్జాపూర్ సిరీస్ తో గుర్తింపు తెచ్చుకున్నాడు. గుడ్డు భాయ్ గా ఆయన నటనకు తెలుగువారు కూడా ఫిదా అయ్యారు.
ఇక రిచా కూడా తెలుగువారికి సుపరిచితమే. శృంగార తార షకీలా బయోపిక్ లో ఆమె షకీలా పాత్రలో నటించి మెప్పించింది. ఇక ఈ విషయం తెలియడంతో అభిమానులు ఈ జంటకు శుభాకాంక్షలు తెలుపుతున్నారు.