Vivo V40, V40 Pro Launching Date: స్మార్ట్ఫోన్ల తయారీ కంపెనీ వివోకి దేశీయ మార్కెట్లో మంచి క్రేజ్ ఉంది. ఎందుకంటే ఈ కంపెనీ సామాన్యులకు అందుబాటు ధరలో ఎక్కువ ఫీచర్లు కలిగిన ఫోన్లను రిలీజ్ చేస్తూ ఉంటుంది. అందులోనూ కెమెరాపై ఎక్కువగా ఫోకస్ పెట్టడంతో ఈ కంపనీ ఫోన్లకు మంచి డిమాండ్ ఏర్పడింది. ఇక ఇప్పటికే చాలా మోడళ్లను రిలీజ్ చేస్తూ యావత్ ఫోన్ ప్రియులను ఆకట్టుకున్న ఈ కంపెనీ త్వరలో మరో రెండు మోడళ్లను భారత మార్కెట్లో పరిచయం చేయడానికి సిద్ధమైంది.
వివో తన లైనప్లో ఉన్న Vivo V40, V40 Pro స్మార్ట్ఫోన్లను త్వరలో భారత మార్కెట్లో లాంచ్ చేయడానికి సిద్ధంగా ఉంది. ఈ ఏడాది మార్చిలో దేశంలో లాంచ్ చేసిన Vivo V30, Vivo V30 Proకి అప్గ్రేడ్ వెర్షన్లుగా ఈ హ్యాండ్సెట్లను దేశంలో విడుదల చేయాలని భావిస్తున్నారు. Vivo V40 ఇప్పటికే ప్రపంచవ్యాప్తంగా ఎంపిక చేయబడిన దేశాలలో లాంచ్ చేయబడింది. ఇక Vivo V40 సిరీస్లోని వనిల్లా, ప్రో వేరియంట్లు రెండూ త్వరలో భారతదేశంలో ప్రారంభించబడతాయని కొత్త నివేదిక చెబుతోంది.
భారతీయ వెర్షన్లో Zeiss-సపోర్టెడ్ కెమెరాలను పొందే అవకాశం కూడా ఉందని అంటున్నారు. తాజాగా భారతదేశంలో Vivo V40, Vivo V40 ప్రో లాంచ్ టైమ్లైన్ లీక్ చేయబడింది. MySmartPrice నివేదిక ప్రకారం.. Vivo V40, Vivo V40 Pro ఈ ఏడాది ఆగస్టులో భారతదేశంలో లాంచ్ అయ్యే అవకాశాలు ఉన్నాయని ఈ కొత్త నివేదిక చెబుతోంది. ఈ రెండు హ్యాండ్సెట్లు జీస్ ఆప్టిక్స్ కెమెరాలకు మద్దతు ఇస్తాయని నివేదిక పేర్కొంది. ఈ ఫోన్లు మల్టీఫోకల్ పోర్ట్రెయిట్లకు కూడా మద్దతు ఇస్తాయని నివేదించబడింది. ఇక Vivo V40, స్పెసిఫికేషన్ల విషయానికొస్తే.. Vivo V40 గ్లోబల్ మార్కెట్లో 6.78 అంగుళాల కర్వ్డ్ AMOLED స్క్రీన్తో విడుదల చేయబడింది.
Also Read: కేవలం రూ.5,999 లకే పోకో కొత్త ఫోన్ లాంచ్.. మరిన్ని ఆఫర్లు కూడా..
ఇది 2,800 x 1,260 పిక్సెల్ రిజల్యూషన్, 120Hz రిఫ్రెష్ రేట్, 4,500 nits పీక్ బ్రైట్నెస్ సపోర్ట్ని కలిగి ఉంది. ఈ స్మార్ట్ఫోన్ స్నాప్డ్రాగన్ 7 Gen 3 SoC ద్వారా ఆధారితం అయింది. Adreno 720 GPUతో జత చేయబడింది. 12GB వరకు LPDDR4X RAM + 512GB వరకు UFS 2.2 ఆన్బోర్డ్ స్టోరేజ్ను కలిగి ఉంటుంది. ఈ ఫోన్ Android 14-ఆధారిత FuntouchOS 14ను కలిగి ఉంది. Vivo V40 స్మార్ట్ఫోన్ Ziess ఆప్టిక్స్తో కూడిన డ్యూయల్ రియర్ కెమెరా యూనిట్తో వస్తుంది.
ఈ మొబైల్ వెనుకవైపు ఆప్టికల్ ఇమేజ్ స్టెబిలైజేషన్ (OIS) సపోర్ట్తో 50-మెగాపిక్సెల్ ప్రైమరీ రియర్ కెమెరా, అల్ట్రా-వైడ్ యాంగిల్ లెన్స్తో సెకండరీ 50-మెగాపిక్సెల్ కెమెరా వంటివి ఉన్నాయి. అలాగే ఇవి సిస్టమ్ ఆరా లైట్ యూనిట్తో వస్తుంది. ఇక సెల్ఫీ కోసం ఫోన్లో ఫ్రంట్ ఫేసింగ్ 50 మెగాపిక్సెల్ కెమెరా ఉంది. ఈ Vivo V40 స్మార్ట్ఫోన్ 80W వైర్డ్ ఫ్లాష్ఛార్జ్కు మద్దతుతో 5,500mAh బ్యాటరీని ప్యాక్ చేస్తుంది. అంతేకాకుండా ఇది దుమ్ము, నీటి రక్షణ కోసం IP68-రేటెడ్ బిల్డ్ను కలిగి ఉంది.