Cabbage Benefits: క్యాబేజీని ఆహారంలో భాగంగా ఓ కూరగాయలా మాత్రమే చూస్తారు. కానీ క్యాబేజీ తినడం వల్ల ఆరోగ్యానికి చాలా రకాల ప్రయోజనాలు ఉంటాయని నిపుణులు చెబుతున్నారు. క్యాబేజీని తినడం వల్ల రోగనిరోధక శక్తిని పెంచేందుకు సహాయపడుతుంది. ఇందులో క్యాలరీలు కూడా తక్కువగా ఉండడం వల్ల బరువు తగ్గాలనుకునే వారికి కూడా చాలా సహాయపడుతుంది. ముఖ్యంగా థైరాయిడ్, మధుమేహం వంటి సమస్యలతో బాధపడుతున్న వారికి కూడా ఇది ఉపశమనం కలిగిస్తుంది. ఎందుకంటే క్యాబేజీలో ఎక్కువ శాతం నీరు ఉండడం కారణంగా ఇది శరీరానికి మేలు చేస్తుంది.

క్యాబేజీలో విటిమిన్లు, పోషకాలు, ఖనిజాలు పుష్కలంగా ఉంటాయి. ఇందులో ఉండే విటమిన్ సీ, కే జీర్ణ ఆరోగ్యానికి తోడ్పడుతుంది. అంతేకాదు క్యాన్సర్, గుండె సంబంధింత ప్రాణాంతకర ప్రమాదాల నుంచి కూడా రక్షిస్తుంది. దీనిని కూరలు వండుకోవడమే కాదు, సలాడ్స్, సూప్స్ ఇలా ఏదో ఒక రకంగా తరచూ తీసుకోవడం వల్ల మంచి ప్రయోజనాలు ఉంటాయి. ఇందులో యాంటీ ఆక్సిడెంట్లు కూడా పుష్కలంగా ఉంటాయి. ఫైబర్ ఎక్కువగా ఉండడం వల్ల శరీరంలోని జీర్ణసమస్యలు, మలబద్ధకం, అజీర్తి, అసిడిటీ వంటి అనేక సమస్యలను తొలగిస్తుంది.

అంతేకాదు రక్తంలోని చక్కెర స్థాయిలను తగ్గించడంలోను ఇది తోడ్పడుతుంది. ముఖ్యంగా మధుమేహ వ్యాధి గ్రస్తులు తమ తరచూ ఆహారపు అలవాట్లలో క్యాబేజీని చేర్చుకోవడం వల్ల చాలా మంచి ప్రయోజనాలు ఉంటాయి. క్యాబేజీలో ఉండే సల్ఫర్, గ్లూకోసైనోలేట్స్, యాంటీ ఆక్సిడెంట్లు, క్యాన్సర్ వంటి చాలా రకాల సమస్యలను నివారిస్తుంది. ఇది ఏ సీజన్లో అయినా సులువుగా లభిస్తుంది. అందువల్ల దీనిని తరచూ తీసుకుంటే మంచిది. ముఖ్యంగా అధిక బరువు సమస్యతో బాధపడేవారికి ఇది చక్కగా పనిచేస్తుంది.

Share

• 
• 
• 
• 
• 
•