Snake around Shiva Lingam in Srisailam: శ్రీశైలంలో అద్భుతం జరిగింది. పాతాళగంగ రోడ్డు మార్గం, వజ్రమ్మ గంగమ్మ సమీపంలో ఓ ఆలయం ఉంది. అక్కడ నిత్యం శివుడికి అభిషేకాలు చేస్తూ ఉంటారు. మంగళవారం శివలింగానికి అభిషేకం చేయడానికి భక్తులు వచ్చారు. అయితే అక్కడ ఉన్న వాళ్లకు ఓ మహా అద్భుతం కనిపించింది. శివ లింగాన్ని చుట్టుకుని ఉన్న నాగుపాము భక్తులకు కనిపించింది. చాలా సేపు శివలింగం చుట్టూ నాగుపాము ఉండటంతో భక్తులు శివలింగాన్ని చూడటానికి తరలివచ్చారు.
చుట్టు ప్రక్కల ప్రాంతాల నుంచి తండోపతండాలుగా భక్తులు తరలివచ్చారు. ఇదంతా శివుడి మహిమ అని కొందరు అంటుంటే.. మరికొందరు హరహర మహదేవ అంటూ శివుడిని ఆరాధించారు. దీంతో శివనామ స్మరణలతో ఆ ప్రాంతం మారుమ్రోగింది. ఆ నోటా ఈ నోటా ఈ విషయం చుట్టు ప్రక్కల గ్రామాలకు కూడా పాకింది. సుమారు గంటకుపైగా ఆ నాగుపాము శివ లింగం చుట్టూ ఉంది. గతంలో ఎప్పుడూ ఇలా జరగలేదని స్థానికులు కూడా చెబుతున్నారు.
శ్రీశైలం పాతాళ గంగ వద్ద వెలసిన చంద్ర లింగానికి చుట్టుకున్న నాగుపాము ఇది చాలా అరుదైన చిత్రము .#Srisailam #snake #viral pic.twitter.com/7UWKyDh1aC
— ChotaNews (@ChotaNewsTelugu) July 16, 2024