INDIA vs ZIMBABWE 4th T20I 2024 Live Score: పొట్టి ప్రపంచ కప్ విజేత టీమిండియా రెండు వారాల వ్యవధిలోనే మరో సిరీస్ ను సొంతం చేసుకున్నది. జింబాబ్వే పర్యటనలో మరో మ్యాచ్ ఉండగానే యువ భారత్ టీ20 ట్రోఫీని కైవసం చేసుకున్నది.

శనివారం జింబాబ్వేతో జరిగిన నాలుగో టీ20 మ్యాచ్ లో టీమిండియా విజయం సాధించింది. ఈ విజయంతో ఐదు టీ20ల సిరీస్ ను భారత్ 3-1 తేడాతో మరో మ్యాచ్ మిగిలుండగానే కైవసం చేసుకుంది. తొలుత బ్యాటింగ్ చేసిన జింబాబ్వే 20 ఓవర్లలో 7 వికెట్ల నష్టానికి 152 పరుగులు తీసింది. ఈ లక్ష్యాన్ని భారత్ 15.2 ఓవర్లలోనే వికెట్ కోల్పోకుండా ఛేదించింది.

Also Read: అతనికి సాయం చేయండి.. అవసరమైతే నా పెన్షన్ ఇస్తా: కపిల్ దేవ్

ఓపెనర్లుగా బ్యాటింగ్ చేసిన యశస్వీ జైస్వాల్, శుభ్ మన్ గిల్.. ఆతిథ్య జట్టు బౌలర్లకు చుక్కలు చూపించారు. మొదటి ఓవర్ నుంచే బౌండరీలతో విరుచుకుపడిన ఈ జంట రికార్డు పరుగులు తీసింది. జైస్వాల్ 93(నాటౌట్), గిల్ 58(నాటౌట్) పరుగులు తీశారు. దీంతో టీమిండియా గెలుపు బాట పట్టింది. 10 వికెట్లతో గెలిచిన గిల్ సేన 3-1తో సిరీస్ ను కైవసం చేసుకుంది.

తొలుత బ్యాటింగ్ చేసిన జింబాబ్వే నిర్ణీత 20 ఓవర్లలో 7 వికెట్ల నష్టానికి 152 పరుగులు చేసింది. ఓపెనర్లు మరుమాని (32), మధెవర్ (25) పరుగులు తీసి ఫర్వాలేదనిపించగా.. కెప్టెన్ సికిందర్ రజా(46 – 28 బంతుల్లో 2 ఫోర్లు, 3 సిక్స్ లు) దూకుడుగా ఆడాడు. బ్రియాన్ బెనెట్(9) పరుగులు తీశాడు. క్యాంప్ బెల్(3), మేయర్స్(12), మండాడే(7) పరుగులు తీశారు.

భారత బౌలర్లు.. ఖలీల్ అహ్మద్ -2, శివమ్ దూబె, సుందర్, అభిషేక్ శర్మ, తుషార్ దేశ్ పాండే తలో వికెట్ తీశారు.

A sparkling 🔟-wicket win in 4th T20I ✅

An unbeaten opening partnership between Captain Shubman Gill (58*) & Yashasvi Jaiswal (93*) seals the series for #TeamIndia with one match to go!

Scorecard ▶️ https://t.co/AaZlvFY7x7#ZIMvIND | @ShubmanGill | @ybj_19 pic.twitter.com/xJrBXlXLwM

— BCCI (@BCCI) July 13, 2024

Share

• 
• 
• 
• 
• 
•